ღუდუშაურის კლინიკაში დოდო გუგეშაშვილის დაკითხვა მიმდინარეობს

2018-02-12 15:31:56, 1790 ნახვა

სამართალი

ღუდუშაურის კლინიკაში მხედრიონის ყოფილი წევრი, პოლკოვნიკი დოდო გუგეშაშვილის იკითხება.

„იმედის“ ინფორმაციით, დაკითხვა კლინიკაში ცოტა ხნის წინ დაიწყო. გამოკითხვის პროცესს გუგეშაშვილის ადვოკატი გელა ნიკოლეიშვილიც ესწრება.

ღუდუშაურის კლინიკის კრიტიკული მედიცინის დეპარტამენტის ხელმძღვანელის ნიკოლოზ ქარცივაძის ინფორმაციით, გუგეშაშვილის მდგომარეობა სტაბილურია და მის სიცოცხლეს საფრთხე არ ემუქრება.

შეგახსენებთ, რომ მხედრიონის ყოფილ წევრს, პოლკოვნიკ დოდო გუგეშაშვილს საკუთარ სახლში თავს დაესხნენ. უცნობმა პირმა გუგეშაშვილს და მის შვილს ჭრილობები ცეცხლსასროლი იარაღიდან გასროლით მიაყენა. შვილი ადგილზე გარდაიცვალა, დოდო გუგეშაშვილი კი, საავადმყოფოშია გადაყვანილი. შინაგან საქმეთა სამინისტროს ინფორმაციით, გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე, სისხლის სამართლის კოდექსის 108-ე და 19-109-ე მუხლებით მიმდინარეობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები