ვეტერანთა დეპარტამენტის უფროსის ვლადიმერ იმნაძის ინფორმაციით, პოლკოვნიკ დოდო გუგეშაშვილის ოპერაცია დასრულდა.

როგორც იმნაძემ აღნიშნა, გუგეშაშვილი საავადმყოფოში აგრძელებს მკურნალობას, თუმცა სხვა დეტალები მისთვის უცნობია.

"საოპერაციოდან გამოიყვანეს. ზუსტად არ ვიცი სად ჰყავთ ამის შემდეგ გადაყვანილი. როგორც გვითხრეს ფილტვი აქვს გახვრეტილი. რაც შეეხება მომხდარს, არ ვიცი რა ვთქვა - არ გამიგია არანაირი კონფლიქტი", - განაცხადა ვეტერანთა დეპარტამენტის უფროსმა.

შეგახსენებთ, რომ მხედრიონის ყოფილ წევრს, პოლკოვნიკ დოდო გუგეშაშვილს საკუთარ სახლში თავს დაესხნენ. უცნობმა პირმა გუგეშაშვილს და მის შვილს ჭრილობები ცეცხლსასროლი იარაღიდან გასროლით მიაყენა. შვილი ადგილზე გარდაიცვალა, დოდო გუგეშაშვილი კი, საავადმყოფოშია გადაყვანილი. შინაგან საქმეთა სამინისტროს ინფორმაციით, გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე, სისხლის სამართლის კოდექსის 108-ე და 19-109-ე მუხლებით მიმდინარეობს.

ავტორი: ,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა