მეზობლის ინფორმაციით, პოლკოვნიკ დოდო გუგეშაშვილის შვილს თავის არეში სავარაუდოდ 5 ტყვია აქვს მოხვედრილი.

როგორც მეზობელმა აღნიშნა, თავდასხმის დროს კორპუსს ელექტროენერგია არ მიეწოდებოდა. მანვე დასძინა, რომ დაჭრილმა გუგეშაშვილმა მე-11 სართულამდე ჩასვლა მოახერხა, რის შემდეგაც წაიქცა.

"ექიმები ამბობენ, რომ შვილს თავი აქვს ახდილი. სროლის შემდეგ როდესაც ავედით მე-13 სართულზე, სადაც დოდო ცხოვრობს, ვნახეთ დაცლილი ტყვიები, გილზები ეყარა. მაგ დროს მოხდა ისე, რომ ელექტროენერგია ჩვენ კორპუსს არ მიეწოდებოდა. ამასობაში წივილ-კივილიც ატყდა - ქალი ყვიროდა: მიშველეთ, მიშველეთ. თავიდან გვეგონა, რომ ვინმეს ბავშვი გაიჭედა ლიფტში, თუმცა ეს დოდო იყო. თავისი ფეხით ჩამოვიდა მე-11 სართულზე და იქ წაიქცა", - აღნიშნა ერთ-ერთმა მეზობელმა.

შეგახსენებთ, რომ მხედრიონის ყოფილ წევრს, პოლკოვნიკ დოდო გუგეშაშვილს საკუთარ სახლში თავს დაესხნენ. უცნობმა პირმა გუგეშაშვილს და მის შვილს ჭრილობები ცეცხლსასროლი იარაღიდან გასროლით მიაყენა. შვილი ადგილზე გარდაიცვალა, დოდო გუგეშაშვილი კი, საავადმყოფოშია გადაყვანილი. შინაგან საქმეთა სამინისტროს ინფორმაციით, გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე, სისხლის სამართლის კოდექსის 108-ე და 19-109-ე მუხლებით მიმდინარეობს.

ავტორი: ,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა