თბილისის სააპელაციო სასამართლოში ე.წ. ციანიდის საქმეზე პროცესი განახლდა.

დღევანდელ სხდომაზე დაცვის მხარე კიდევ ერთხელ გაამახვილებს ყურადღებას ყველაზე მნიშვნელოვან ასპექტებზე, რის შემდეგაც მხარეები რეპლიკის უფლებით ისარგებლებენ. დღესვე მსჯავრდებული მამა გიორგი მამალაძე სასამართლოს საბოლოო სიტყვით მიმართავს. ადვოკატებს მოლოდინი აქვთ, რომ მეორე ინსტანციის სასამართლო საქალაქო სასამართლოს გადაწყვეტილებას შეცვლის და დეკანოზს უდანაშაულოდ სცნობს:

"დღეს დადგა ჟამი, სააპელაციო სასამართლომ გაასწოროს უსამართლობა, მიიღოს ერთადერთი სწორი გადაწყვეტილება-გააუქმოს საქალაქო სასამართლოს გადაწყვეტილება.

ველოდებით, რომ სააპელაციო სასამართლო გაიზიარებს ყველა ფაქტობრივ მოსაზრებას, რომელიც გვაქვს ამ საქმეზე და მიიღებს ობიექტურ გადაწყვეტილებას.კიდევ ერთხელ გამოვკვეთოთ",-განაცხადა ადვოკატმა პაატა მეხრიშვილმა.

პროკურორ ზვიად გუბელაძის თქმით, ბრალდების მხარე რეპლიკის დროს  ყურადღებას გაამახვილებს დაცვის მხარის არაარგუმენტირებულ დასკვნით სიტყვაზე. გუბელაძის შეფასებით, სასამართლომ მამა გიორგი მამსლაძე  დამნაშავედ უნდა სცნოს  პატრიარქის მდივან-რეფერენტის შორენა თეთრუაშვილის ანგარების მოტივით განზრახ მკვლელობის მომზადებაში.

"დღევანდელ სასამარათლო პროცესზე ჩვენ ვისარგებლებთ რეპლიკის უფლებით.წინა პრიცესზე დაცვის მხარე წარსდგა თავისი დასკვნითი სიტყვით.ჩვენ აღვნიშნეთ, რომ ეს იყო დაუსაბუთებელი და არაარგუმენტირებული დასკვნითი სიტყვა.იქ იყო არაერთი ტყუილი გაჟღერებული.მტკიცებულებები დამახინჯებული სახით წარმოდგენილი.სწორედ ამაზე გავამახვილებთ ყურადღებას ჩვენს რეპლიკაში.რა თქმა უნდა, მოვითხოვთ გიორგი მამალაძის დამნაშავედ ცნობას  ანგარებით განზრახ მკვლელობის მომზადების ნაწილში",-განაცხადა პროკურორმა ზვიად გუბელაძემ.

მას შემდეგ, რაც მამა გიორგი მამალაძე საბოლოო სიტყვას იტყვის, ყველა სამართლებრივი პროცედურა ამოიწურება და მოსამართლეს შესაძლებლობა ექნება, განაჩენი გამოაცხადოს.

ავტორი: ,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა