„დღევანდელი სასამართლო არის მურუსიძის სასამართლო და ეს გააკეთეთ თქვენ, „ქართულმა ოცნებამ“, - ამის შესახებ „პატრიოტთა ალიანის“ გენერალურმა მდივანმა ირმა ინაშვილმა პარალმენტის საგაზაფხულო სესიის პირველ პლენარულ სხდომაზე განაცხადა.

მან მმართველ გუნდს მიმართა და აღნიშნა, რომ მიუხედავად უტყუარი მტკიცებულებებისა, ოპოზიციას სასამართლოში არჩევნების დროს არცერთი საქმე არ მოუგია. 

„მე გამიხარდება ჩვენი სასამართლოს სისტემის რეფორმირება და ის, რომ  ჩვენ გადავდგათ ნაბიჯები პროგრესისკენ. მაგრამ თქვენი დღევანდელი სასამართლოს სახე მურუსიძეა. მუსურიზე დატოვეთ  კრიტერიუმად და საზომად დღევანდელი სასამართლოსი და არც ერთი საქმე სხვათაშორის თქვენ „ობიექტურ“ სასამართლოში  ოპოზიციას არ მოუგია არჩევნების დროს, როდესაც სრულიად უტყუარი მტკიცებულებები გვქონდა წარდგენილი გაყალბების ფაქტების, თქვენ მიერ „რეფორმირებულ“ სასამართლოში.  დღევანდელი სასამართლო ეს არის მურუსიძის სასამართლო. ეს გააკეთეთ  თქვენ, „ქართულმა ოცნებამ“. მე შორს ვარ იმ აზრისგან რომ შეუძლებელია ჩვენი სასამართლო სისტემის რეფორმირება, მაგრამ ნუ დაგვიხატავთ ახლა  დღევანდელი ქართული სასამართლოსგან გერმანულ სასამართლოს და ფრანგულ და თუნდაც იტალიურ სასამართლოს.  არ გვინდა  შეჯიბრება ამ თემასთან მიმართებაში“, - განაცხადა ირმა ინაშვილმა. 

ცნობისთვის, პარლამენტში საგაზაფხულო სესიის პირველი პლენარული სხდომა მიმდინარეობს.

დღევანდელ სხდომაზე კანონმდებლები პირველი და მეორე მოსმენით  ათზე მეტ კანონპროექტს განიხილავენ. მათ შორის, „საქართველოს კანონის პროექტებს „იურიდიული დახმარების შესახებ", „ადვოკატთა შესახებ", „სახელმწიფო პენსიის შესახებ", „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ", „საავტომობილო გზების შესახებ" კანონპროექტებში ცვლილებების შეტანის თაობაზე.

ავტორი: ,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა