პეკინის ქუჩაზე შიშველი სიარულის გამო მამაკაცი 200 ლარით დაჯარიმდა

2018-02-02 19:42:40, 2152 ნახვა

სამართალი

მამაკაცი, რომელიც პეკინის ქუჩაზე შიშველი გადაადგილდებოდა, 200 ლარით დააჯარიმეს.

როგორც „ექსპრესნიუსს“ შინაგან საქმეთა სამინისტროში განუცხადეს, მამაკაცი ადმინისტრაციულ სამართალდარღვევათა კოდექსის 171-ე მუხლის მეორე ნაწილის საფუძველზე დაჯარიმდა.

ცნობისთვის, აღნიშნული მუხლი საზოგადოებრივ ადგილებში ადამიანის ღირსებისა და საზოგადოებრივი ზნეობის შეურაცხმყოფელ ქმედებას გულისხმობს, რაც საზოგადოებაში მიღებული ქცევის წესების აშკარა უპატივცემულობით გამოიხატება და ადამიანისთვის დამამცირებელი ან შეურაცხმყოფელი გარემოს შექმნას იწვევს (სექსუალური ხასიათის ქცევა, სრული ან ნაწილობრივი უხამსი გაშიშვლება, საზოგადოებრივ ადგილებში ფიზიოლოგიური მოთხოვნილების დაკმაყოფილება). დანაშაული ისჯება ჯარიმით 100-დან 200 ლარამდე.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები