შინაგან საქმეთა მინისტრის მოადგილის ნინო ჯავახაძის განცხადებით, 14-დან 18 წლამდე პირებში, რომელთან მიმართებაშიც არასრულწლოვანთა მართლმასჯულების კოდექსი ვრცელდება, დანაშაულის მაჩვენებელი შემცირებულია.

„ძირითადად მივმართავთ განრიდებას და სისხლის სამართლებრივი დევნა არის საკმაოდ მცირე შემთხვევებში“,-განაცხადა ნინო ჯავახაძემ.

მისივე თქმით, 14 წლამდე არასრულწლოვნების შემთხვევაში კი მდგომარეობა მცირედით  გაუარესებულია.

„ვინაიდან მათ მიმართ დევნა არ ხორციელდება. თუმცაღა ასამუშავებელია სხვა ალტერნატიული მექანიზმები. უპირველეს ყოვლისა, ეს არის რეფერირების მექანიზმი, ეს არის იმ პროექტის ნაწილი, რომელსაც ჩვენ განათლების სამინისტროსთან ერთად ვამუშავებთ. გახსოვთ ვთქვით, რომ  გვექნება შესაბამისი საკანონმდებლო ინიციატივა მანდატურის ინსტიტუტის გაუმჯობესებასთან დაკავშირებით, ასევე რეფერირების გაუმჯობესებასთან დაკავშირებით.  რეფერირება-ეს არის უფრო კომპლექსური მიდგომა, ვიცით, რომ 14- წლამდე პირების მიმართ სისხლის სამართლებრივი დევნა არ ხორციელდება, შესაბამისად ასეთ პირებთან ერთობლივად უნდა იმუშაოს განათლების, სოციალურმა მუშაკებმა, ფსიქოლოგებმა და ა.შ. რათა ამ პირების რესოციალიზაცია განხორციელდეს.ამისთვის უნდა არსებობდეს სპეციალიზებული დაწესებულებები და შემუშავებული იყოს შესაბამისი საკანონმდებლო ჩარჩო. სწორედ ამ მიმართულებით მიმდინარეობს მუშაობა და წარედგინება საზოგადოებას უახლოეს დღეებში“,-განაცხადა ნინო ჯავახაძემ.

ავტორი: ,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა