ფრაქცია „ქართული ოცნების“ თავმჯდომარე მამუკა მდინარაძე თანაგუნდელ ირაკლი მეზურნიშვილის მსგავსად ფიქრობს, რომ ეროვნულ-დემოკრატიული ინსტიტუტის (NDI) საქართველოს ოფისის დირექტორის ლორა თორნტონის განცხადება მინიმუმ არაკორექტული იყო . მდინარაძის შეფასებით,   თორნტონმა თავისი განცხადებით შურაცხყოფა მიაყენა ქართულ სახელმწიფოს.

„ლორა მოუხდის თუ არა ბოდიშს, ეს მეორე საკითხია, თუმცა მეც მიმაჩნია,  რომ თუ  ქალბატონ ლორას უნდოდა თავისი ქვეყნის პრეზიდენტის კრიტიკა, ამისათვის არ იყო აუცილებელი შეურაცხყოფა მიეყენებინა ქართველი ჟურნალისტისთვის,  არ იყო აუცილებელი, შეურაცხყოფა მიეყენებინა ქართული სახელმწიფოსთვის. ჩვენი მთავარი სტრატეგიული პარტნიორია აშშ, შარშან მაიკ პენსის ვიზიტის დროს მან პირადად ტრამპის მესიჯები გაახმოვანა საქართველოში, მისი გზავნილები იყო გახმოვანებული,შეუძლებელია ტრამპა არ იცოდეს საქართველოს შესახებ, შეუძლებელია, ის მესიჯები ყოფილიყო შაბლონური,  ხელოვნური, ფორმალური, ამიტომ, როდესაც ორი ქვეყნის ურთიერთობას და სტრატეგიული პარტნიორების ურთიერთობას შეეხება საქმე, ალბათ ცოტა მეტად უნდა მოვუფრთხილდეთ. ოპოზიცია თავგამოდებით იცავს დღეს ქალბატონ ლორას. მას ჩვენგან დასაცავი არაფერი სჭირს, ჩვენც ვმეგობრობთ, ჩვენც ვთანამშრომლობთ საერთაშორისო ორგანიზაციებთან და მათ შორის ლორასთან.

მაგრამ ჩვენ სიმართლეს არ უნდა გავურბოდეთ, არ იყო კორექტული ქალბატონი ლორას განცხადება, როგორც მინიმუმ, ვფიქრობ, გამოსწორების შანსი შეიძლება ჰქონდეს ქალბატონ ლორას, ეს იქნება ბოდიში, თუ სხვა განცხადებებში ამ პათოსის გასწორება, ეს მისი საქმეა“,-განაცხადა მდინარაძემ „იმედის“ ეთერში.

შეგახსენებთ, ლორა თორნტონი "იმედთან" ინტერვიუს დროს დასმულ შეკითხვას, რომელიც კვლევაში სამხედრო თვალსაზრისით რუსეთისა და ამერიკის შეერთებული შტატების შედარებას ეხებოდა,სოციალურ ქსელში გამოეხმაურა: ”გასულ ღამეს, "იმედის" ჟურნალისტმა სიტყვასიტყვით მკითხა, ხომ არ გეგმავდა NDI-ი აშშ-ის და რუსეთის სამხედრო ძალებზე კითხვის ამგვარად ფორმულირებით ამერიკის პრეზიდენტის რუსეთთან დაპირისპირების ლობირებას. ხმამაღლა გამეცინა. ტრამპი რუკაზე საქართველოს დიდი ალბათობით ვერც იპოვის, არათუ თვალს ადევნებს აქ ჩატარებული კვლევის შედეგებს! მაგრამ მე მომწონს ვარაუდი, თითქოს ამხელა გავლენა გვაქვს!”, - წერს ლორა თორნტონი Facebook-ზე. ამ განცხადების გამო, საპარლამენტო უმრავლესობის წევრმა ირაკლი მეზურნიშვილმა მას საჯაროდ ბოდიშის მოხდა სთხოვა.

ავტორი: ,

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია