პარლამენტის თავმჯდომარის ირაკლი კობახიძის განცხადებით, პარლამენტის მიერ დამტკიცებულ „მაუწყებლობის შესახებ“ კანონზე პრეზიდენტის მოტივირებული შენიშვნები უარგუმენტოა.

როგორც კობახიძემ აღნიშნა, საპარლამენტო უმრავლესობის თვითმოზანი ვეტოს დაძლევა არ არის.

"კიდევ ერთხელ ვიმსჯელოთ რა პლუსებს და მინუსებს ვხედავთ ამ კანონპროექტში, რომ შევძლოთ საბოლოო გადაწყვეტილების მიღება. ვეტოსთან დაკავშირებით არგუმენტებს ველოდით, რომელიც კანონპროექტის მიზანშეუწონლობას დაასაბუთებდა. ვეტოს ტექსტში სამწუხაროდ არგუმენტები არ არის წარმოდგენილი. ჩვენ იგივე მდგომარეობა გვქონდა წინა 2 ვეტოს შემთხვევაში. მოტივირებული შენიშვნები ფორმალური და მშრალი სახით არის წარმოდგენილი. საუბარია იმაზე თუ რა არ მოწონთ, თუ რატომ არ მოწონთ ეს საერთოდ არ არის დასაბუთებული“, - აღნიშნა ირაკლი კობახიძემ.

კობახიძის შეფასებით, პრეზიდენტის მოტივირებულ შენიშვნებში ფაქტობრივი უზუსტობებია. კერძოდ, მისი განმარტებით, შენიშვნებში წერია, რომ საქართველოში სარეკლამო ბაზარი შეზღუდული და კლებადია, თუმცა, პარლამენტის თავმჯდომარე ირწმუნება, რომ საქართველოში სარეკლამო ბაზარი კლებადი არ არის.

„მაგალითად ნათქვამია, საქართველოში სარეკლამო ბაზარი შეზღუდულია და ამავე დროს კლებადი. შეზღუდული რას ნიშნავს ეს ცალკე თემაა, მაგრამ კლებას რაც შეეხება, ჩვენ მოვიძიეთ დამატებითი ინფორმაცია იმის თაობაზე, არის თუ არა კლებადი საქართველოს სარეკლამო ბაზარი, აღმოჩნდა რომ სარეკლამო ბაზარი საქართველოში კლებადი არ არის. ვეტოს ვკითხულობთ, 0 არგუმენტია წარმოდგენილი, რაღაც ცუდია, მაგრამ რატომ არის ცუდი ეს დასაბუთებული არ არის“, - განაცხადა ირაკლი კობახიძემ და დასძინა, რომ პარლამენტს პრეზიდენტს ვეტოს დაძლევა არ გაუჭირდება.

ავტორი: ,

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია