თბილისის სააპელაციო სასამართლოს  მოსამართლეთა კოლეგია შოთა გეწაძის, გიორგი გოგიაშვილისა და ილონა თოდუას შემადგენლობით,  მუსტაფა ემრე ჩაბუქის საქმეზე გადაწყვეტილების მისაღებად სათათბიროდ გავიდა.

უცნობია, რამდენი დრო დასჭირდებათ მათ გადაწყვეტილებაზე ჩამოსაყალიბებლად.

სხდომას თავად ბრალდებული ჩაბუქიც ესწრებოდა.

 დემირელის კერძო კოლეჯის ხარისხის მართვის მენეჯერის მუსტაფა ემრე ჩაბუქის  ადვოკატების სარჩელის თემაა, ბათილად იქნას ცნობილი პირველი ინსტაციის მიერ მიღებული გადაწყვეტილება  ჩაბუქისა და მისი ოჯახის წევრებისთვის ლტოლვილის სტატუსის მიუნიჭებლობის თაობაზე.

აღსანიშნავია, რომ სასამართლომ  საქმეს მტკიცებულებად  დაურთო Human rights watch-ის 2018 წლის ანგარიში, სადაც ადვოკატების  თქმით, საუბარია თურქეთში ადამიანის უფლებების უხეშ დარღვევაზე, განსაკუთრებით მათ მიმართ, ვინც ფეთჰულა გიულენის მიმდევრებად არიან აღიარებული.

ამიტომ, დაცვის მხარე ითხოვს, არ მოხდეს ჩაბუქის თურქეთში ექსტრადირება.

შეგახსენებთ, 2017 წლის 24 მაისს საქართველოში დემირელის კოლეჯის ხარისხის მართვის მენეჯერი მუსტაფა ემრე ჩაბუქი თურქეთის ხელისუფლების მოთხოვნით დააკავეს.

მას ბრალად ედება წილების გასხვისების მცდელობა ერთ-ერთ ამერიკულ ფირმაზე, რომელიც ტერორისტულ ორგანიზაციადაა მოხსენიებული თურქული მხარის მიერ, რასაც თავად ჩაბუქი კატეგორიულად უარყოფს.

თბილისის საქალაქო სასამართლომ მუსტაფა ემრე ჩაბუქს 25 მაისს სამთვიანი წინასაექსტრადიციო პატიმრობა შეუფარდა, რომელიც 25 ნოემბერს კიდევ სამი თვით გაუხანგრძლივდა.

ჩაბუქსა და მის ოჯახს, 7 ივლისს,  უარი ეთქვა საქართველოში ლტოლვილის სტატუსის მინიჭებაზე.

თურქი პედაგოგი საქართველოში 15 წელია ცხოვრობს. იგი  2002 წლიდან ეწევა პედაგოგიურ საქმიანობას.

 ჰყავს მეუღლე და ორი მცირეწლოვანი შვილი.

ავტორი: ,

სოციალური ქსელები

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს

ოცნების საგარეო მინისტრი ნატო-ს გენერალური მდივნის სპეციალურ წარმომადგენელს შეხვდა

საქართველოს ეკლესიის გაფართოებული კრება, სადაც ახალ პატრიარქს აირჩევენ, 11 მაისს გაიმართება

თბილისის მეტროს პირველ ხაზზე მოძრაობა შეჩერებულია - 300 არაგველზე მგზავრი ლიანდაგებში ჩავარდა