ფრაქცია „ქართული ოცნების” თავმჯდომარე მამუკა მდინარაძე მსახიობ გიორგი გიორგანაშვილის საქმეს ეხმაურება.

როგორც მდინარაძემ აღნიშნა, თუ ვინმე ფიქრობს, რომ 45 აბი სუბოტექსის შემთხვევა ხვალ დასჯადი არ იქნება, ეს მოლოდინი არ გამართლდება.

ამასთან, დეპუტატი მიიჩნევს, რომ ნარკომომხმარებლების მიმართ კანონი ლოიალური უნდა იყოს. 

„ჩვენ ვცდილობთ, რომ ორი რადიკალური პოზიციით, რომელიც არის საზოგადოებაში და ასეთივე პოზიცია არის უმრავლესობაშიც, ამოვიღოთ ყველაზე რაციონალური კომპონენტი. ერთი მხრივ მაქსიმალურად გამოვრიცხოთ გასაღების რისკები და გამსაღებლების მიმართ ვიყოთ ძალიან მკაცრები და მეორე მხრივ ვიყოთ ლოიალურები, ლიბერალურები მომხმარებლების მიმართ. მიზანია, შევქმნათ შესაბამისი ცენტრები, ვუმკურნალოთ მათ და დავუბრუნოთ საზოგადოებას. თუ ამ ფარგლებში ვინმე ფიქრობს რომ ვთქვათ - 45 აბი სუბოტექსის შემთხვევა ხვალ დასჯადი არ იქნება, მე ვეტყვი მათ რომ ეს მელოდინი არ გამართლდება. ამ საქმეს მეორე მხარე აქვს. თუ ვინმე ამბობს, რომ ეს ადამიანი არაკანონიერად იყო დაკავებული, წინ სასამართლოს ორი ინსტანცია არსებობს და შეუძლიათ, იდავონ. თუ ერთი პროცენტი ეჭვი არსებობს, ნებისმიერ ადამიანს წარმატებას ვუსურვებ”, - განაცხადა მდინარაძემ.

ცნობისთვის, პარლამენტთან მესამე სექტორის მიერ ორგანიზებული საპროტესტო აქცია "ყველა ერთისთვის" თითქმის 3 საათის განმავლობაში მიმდინაროებდა. აქცციის მონაწილეები, ნარკოპოლიტიკის ლიბერალიზაციას, მსახიობ გიორგი გიორგანაშვილის გათავისუფლებას ითხოვდნენ. ასევე მათ საქართველოს პრეზიდენტ გიორგი მარგველაშვილს მოუწოდეს, რათა მან კანონმდებლობით მინიჭებული ექსკლუზიური - შეწყალების უფლება გამოიყენოს. 

ავტორი: ,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა