ტერორიზმის დაფინანსების ბრალდებით დაკავებული ანატოლი ბერძენიშვილის ადვოკატის ინგა ბოლოთაურის განცხადებით, არ არსებობს არანაირი მტკიცებულება, რომ მისი დაცვის ქვეშ მყოფს დანაშაული აქვს ჩადენილი.

როგორც ბოლოთაურმა აღნიშნა, ანატოლი ბერძენიშვილი და რამაზ (ხიზირ) მარგოშვილი მეგობრები არიან.

"პანკისთან კავშირები ჰქონდა. ანატოლი ბერძენიშვილი და ხიზირ იგივე რამაზ მარგოშვილი არიან მეგობრები. მათ შორის ორივე არის ჩემი მეგობარიც. მტკიცებულებები, რომ ჩემი დაცვის ქვეშ მყოფი პირების მიერ ჩადენილია დანაშაული, ასეთი არაფერი გამიგია", - განაცხადა ადვოკატმა და დასძინა, რომ მეგობრობა დასჯადი არ უნდა იყოს.

ბრალდებულის კიდევ ერთი ადვოკატის მაია სირაძის თქმით, ანატოლი ბერძენიშვილი თურქეთში თავის საქმიანობიდან გამომდინარე დადიოდა.

"აშენებდა ეკლესიებს და ხშირი შეხება ჰქონდა თურქეთთან. ხიზირ მარგოშვილთან კავშირს ჩემი დაცვის ქვეშ მყოფი ადასტურებს. მეგობარი იყო და ბიზნესთან დაკავშირებით ჰქონდათ ურთიერთობა", - აღნიშნა მაია სირაძემ.

შეგახსენებთ, რომ სახელმწიფო უსაფრთხოების სამსახურის კონტრტერორისტულმა დეპარტამენტმა სასამართლოს განჩინების საფუძველზე, 22 იანვარს თბილისში, საქართველოს მოქალაქე ანატოლი ბერძენიშვილი დაააკავა. სუს-ის ინფორმაციით, გამოძიების ამ ეტაპზე  დადგენილია, რომ დაკავებული ანატოლი ბერძენიშვილი ჩავიდა თურქეთში ახმედ ჩატაევის და მისი დაჯგუფების წევრების დასახმარებლად. გამოძიება საქართველოს სსკ-ის 331- ე პრიმა მუხლის  მესამე ნაწილით მიმდინარეობს,რაც ტერორიზმის დაფინანსებას ,ტერორისტული საქმიანობის სხვაგვარ მატერიალურ მხარდაჭერას ან რესურსებით უზრუნველყოფას გულისხმობს,რამაც მძიმე შედეგი გამოიწვია. სასჯელის ზომად  17 დან 20 წლამდე  ვადით ან უვადო თავისუფლების აღკვეთას ითვალისწინებს“,-ნათქვამია სახელმწიფო უსაფრთხოების სამსახურის განცხადებაში.

ავტორი: ,

სოციალური ქსელები

კანადამ და ევროკავშირმა ალიანსის შექმნის შესახებ განაცხადეს

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა