თბილისის მერიის ყოფილი მაღალჩინოსნის საქმის პროკურორის, ირაკლი მარშანიას განცხადებით, ოთარ აბესაძის მკურნალობა პენიტენციური დაწესებულების პირობებშიც იყო შესაძლებელი.

პროკურორი არ ეთანხმება მოსამართლის გადაწყვეტილებას, აბესაძისთვის აღკვეთის ღონისძიების - პატიმრობის გირაოთი ჩანაცვლებაზე და მიიჩნევს, რომ მის გათავისუფლებას სამართლებრივი საფუძველი არ ჰქონდა.

"ამ დასკვნაში აღწერილი იყო ოთარ აბესაძის ჯანმრთელობის მდგომარეობა. ჩემი აზრით, რა თქმა უნდა სახარბიელო მისი მდგომარეობა არ არის, თუმცა სამართლებრივი საფუძველი იმისა, რომ აღმკვეთი ღონისძიების სახე - პატიმრობა, შეცვლილიყო, არ ყოფილა. ვინაიდან ექსპერტიზის დასკვნაში საუბარი იყო ისეთ დიაგნოზზე, რომლის მკურნალობა სავსებით შესაძლებელი იყო პენიტენციური დაწესებულების პირობებში", - განაცხადა ირაკლი მარშანიამ.

ცნობისთვის, თბილისის მერიის ყოფილი თანამშრომელი ოთარ აბესაძე სასამართლო დარბაზიდან გაათავისუფლეს. მოსამართლემ აღვკეთის ღონისძიება - პატიმრობა, მას 10 000-ლარიანი გირაოთი შეუცვალა. ოთარ აბესაძემ საქალაქო სასამართლო ოჯახის წევრებთან ერთად დატოვა. აბესაძე 2017 წლის 12 ივლისს ქრთამის აღების ფაქტზე დააკავეს.

გამოძიება სსკ-ის 338-ე მუხლის პირველი ნაწილით გათვალისწინებული დანაშაულის ნიშნებით მიმდინარეობს, რაც სასჯელის სახით ექვსიდან ცხრა წლამდე თავისუფლების აღკვეთას ითვალისწინებს.

ავტორი: ,

სოციალური ქსელები

რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი

სიბიგა - შევთანხმდით ორმხრივ ინტერესზე უკრაინა-საქართველოს ურთიერთობების ნორმალიზების კუთხით

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა