„გირჩი“: იმედი გვაქვს, საქართველოში ჰუმანური რეფორმის გატარებას ვერავინ შეაჩერებს

2018-01-12 15:12:03, 2098 ნახვა

კომენტარი

„გირჩის" წარმომადგენელის ნიკა ობოლაძის განცხადებით, უდანაშაულო ადამიანები ციხეში არ უნდა იტანჯებოდნენ და არ უნდა ისჯებოდნენ.

მისივე შეფასებით, ადამიანი, რომელიც მოიხმარს რაღაც ნივთიერებას, დამნაშავე არ არის.

ნიკა ობოლაძე ამბობს, რომ ქვეყანაში ჰუმანური ნარკოპოლიტიკა უნდა გატარდეს:

"ამ კონკრეტული კანონპროექტის მიხედვით, ასობით ადამიანი თავისუფლდებოდა საპატიმროდან. "გირჩი" მხარს უჭერს კანონპროექტს, რომელიც უდანაშაულო ადამიანებს გაათავისუფლებს ციხიდან. ნებისმიერი მცდელობა, რომ რომ ნარკოლიბერალიზაციის პროცესი შევაფერხოთ, მიუღებელია. ჰუმანური ნარკოპოლიტიკა უნდა გატარდეს ქვეყანაში. წინააღმდეგ შემთხვევაში მივიღებთ ათასობით ადამიანს, რომელიც არის ამ რეპრესიული მანქანის მსხვერპლი",-აღნიშნა ნიკა ობოლაძემ.

მეცნიერებათა აკადემიის ინიციატივით, მეცნიერები, ნარკოლოგები, სასულიერო პირები და საზოგადოებისთვის ცნობილი სახეები "ნარკოპოლიტიკის რეფორმის“ ავტორებსა და საკანონმდებლო ორგანოს წარმომადგენლებს ხვდებიან.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები