გიორგი ქადაგიძე პარლამენტში მომავალ კვირას ანგარიშით წარსდგება

2015-05-12 10:16:23, 783 ნახვა

ეკონომიკა

ეროვნული ბანკის პრეზიდენტმა გიორგი ქადაგიძემ ლარის კვალ გაუფასურების მიზეზებზე ჟურნალისტებთან არ ისაუბრა და განაცხადა, რომ მომავალ კვირას პარლამენტში ანგარიშით წარსდგება.

„პარლამენტში ვისაუბრებთ როგორც მიზეზებზე, ასევე რა თქმა უნდა გადაჭრის გზებზე“,-აღნიშნა ქადაგიძემ.

მან ასევე EBRD-ის საერთაშორისო ფორუმიც შეაფასა და განაცხადა, რომ ქვეყანამ საკუთარი პოტენციალი დადებით ჭრილში უნდა წარმოაჩინოს, რათა მეტი უცხოური ინვესტიციები მოიზიდოს.

„ჩვენთვის ეს კვირა ძალიან მნიშვნელოვანია. ვინაიდან უნდა გამოვიყონოთ ეს საერთაშორისო ფორუმი, რომელიც საქართველოში ტარდება. ჩვენი მთავარი ამოცანაა დადებით ჭრილში წარმოვაჩინოთ ჩვენი ქვეყნის პოტენციალი და დადებითი მოვლენი შევუქმნათ ინვესტორებს. საბოლოო ჯამში საერთაშორისო უცხოური ინვესტიციების ზრდა და უცხოელი პარტნიორების განწყობა არის ის, რაც ქმნის სამუშაო ადგილებს და ხელს უწყობს შემოსავლების ზრდას“,-აღნიშნა გიორგი ქადაგიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან