პანკისის ხეობაში სპეცოპერაციისას დაჭრილი თემირ მაჩალიკაშვილის სასამართლო პროცესი თბილისის საქალაქო სასამართლოში არ ჩანიშნულა.

მისი ადვოკატი ცირა ჯავახიშვილი აღნიშნულის გადასამოწმებლად სასამართლოში მივიდა და მედიასთან კომენტარი გააკეთა.

როგორც მან აღნიშნა, ბრალის წარდგენის 48 საათიანი ვადა ამოიწურა, მაჩალიკაშვილის მიმართ ბრალის წარდგენა არ მომხდარა. ეს კი, ადვოკატის განმარტებით, ნიშნავს იმას, რომ მაჩალიკაშვილი ბრალდებულად არ არის ცნობილი.

ამასთან, ადვოკატის განცხადებით, მცდელობის მიუეხედავად მას საქმის მასალები არ გააცნეს.

ცირა ჯავახიშვილი ვარაუდობს, რომ სახელმწიფო უსაფრთხოების სამსახური რაღაცას მალავს.

„ბრალი არ აქვს რადგენილი. ფაქტია, რომ აღძრულია სისხლის სამართლის საქმე ამ ფაქტთან მიმართებაში, რაც ადასტურებს იმას, რომ საქმის მწარმოებელ ორგანოს აქვს ეჭვი, რომ შესაძლოა, გადაუმოწმებელი ინფორმაციის საფუძველზე შევიდნენ ოჯახში და დატრიალდა ამხელა ტრაგედია. ზუსტად იმისათვის ვიყავი გუშინ სუს-ის შენობის წინ, რომ ვიცოდი, საქმის მასალები გაყალბდებოდა. იქ რაღაც ისეთია, რის გამოც არ უნდათ, რომ ჩავიხედო საქმეში“, - განაცხადა ცირა ჯავახიშვილმა.

ცნობისთვის, თემირ ჩოფიკაშვილი სპეცოპერაციის დროს თავის არეში დაიჭრა. სახელმწიფო უსაფრთხოების სამსახურში განმარტეს, რომ იგი ხელყუმბარის მოქმედებაში მოყვანას ცდილობდა და სამართალდამცველმა სწორედ აღნიშნულის გამო მოახდინა მის მიმართ გასროლა.

თბილისის საქალაქო სასამართლო ამ წუთებში პანკისის ხეობაში სპეცოპერაციისას დაკავებული ზურაბ გორნაკაშვილის მიმართ აღკვეთის ღონისძიების შეფარდების საკითხზე მსჯელობს.

სპეცოპერაციისას დაკავებული კიდევ სამი პირის: რუსლან ალადამოვის, რამაზ მარგოშვილის და ბადურ ჩოფანაშვილის პროცესი 14:00 საათზე დაიწყება.

შეგახსენებთ, 25 დეკემბერს, გამთენიისას, თბილისსა და ახმეტის რაიონის სოფლებში - დუისსა და ომალოში საქართველოს 5 მოქალაქე დააკავეს. სპეცოპერაციის დროს ერთ-ერთი პირი თავის არეში დაიჭრა. სუს-ის იფნორმაციით, დაკავებულები დაკავშირებული არიან 21-22 ნოემბერს, თბილისში, ბერი გაბრიელ სალოსის ქუჩაზე ჩატარებული სპეცოპერაციის შედეგად განეიტრალებული დაჯგუფების წევრებთან და მათ ხელშემწყობ პირებს წარმოადგენენ. უსაფრთხოების სამსახურის ცნობით, დანაშაულებრივ ჯგუფთან კავშირზე მყოფი სხვა პირების გამოვლენის მიზნით, საგამოძიებო მოქმედებები გრძელდება.

ავტორი: ,

სოციალური ქსელები

პუტინმა ზელენსკის განცხადებას რუსეთის საჰაერო სივრცის „ფაქტობრივი დახურვის“ შესახებ „სახელმწიფო ტერორიზმის გამოყენება“ უწოდა

ვოლოდიმირ ზელენსკი- რუსეთის ცა ფაქტობრივად დაიხურება

ინაშვილი ღარიბაშვილის წერილზე: პროკურატურამ მოკვლევა უნდა დაიწყოს დასმულ კითხვებზე

ხატია დეკანოიძე - არაერთი თვითმკვლელობა - ეს არის ფორმულირება ღარიბაშვილის წერილში და საკმაოდ საგანგაშო