ჯანმრთელობის დაცვისა და სოციალურ საკითხთა კომიტეტმა „სპეციალურ კონტროლს დაქვემდებარებული ნივთიერებების და ნარკოლოგიური დახმარების შესახებ“ კანონპროექტს და მასთან დაკავშირებულ კანონებში ცვლილებებს პირველი მოსმენით, 5 ხმით, შემოთავაზებული პრინციპების გათვალისწინებით დაუჭირა მხარი.

კომიტეტის თავმჯდომარის აკაკი ზოიძის განცხადებით, ეს პრინციპებია-ბრძოლა ნარკოტიკების გაყიდვა- გასაღების მიმართ, ნარკომომხმარებელი არ უნდა დაისაჯოს სისხლისამრთლებრივი სასჯელების მიხედვით, არ იგულისხმება ნარკოტიკების ლეგალიზაცია.

საბოლოოდ იურიდიული-წამყვანი კომიტეტი მიიღებს გადაწყვეტილებას იმ ვერსიასთან დაკავშირებით,  რომელიც პლენარულ სხდომაზე უნდა გავიდეს.

სხდომას სასულიერო პირებიც ესწრებოდნენ. მათ გააჟღერეს თხოვნა, რომ ნაჩქარევად არ მოხდეს კანონპროექტის განხილვა:

"ეს არის პატრიარქის თხოვნა,  მოგვეცით საშუალება, განვიხილოთ, რას ვუყრით კენჭს, დაწერილი წავიკითხოთ, რომ საზოგადოებამ იცოდეს,  რას ვუყრით კენჭს.ნაჩქარევად არ მივიღოთ",-აღნიშნა სასულიერო პირმა.

სხდომა  კვორუმის არ არსებობის გამო,  დაახლოებით 2 საათის დაგვიანებით დაიწყო . საქმე იმაშია, რომ კომიტეტის 7 წევრი ცვლილებებს ეწინააღმდეგება და კომიტეტის მუშაობაშიც არ მიიღეს მონაწილეობა.  ეს დეპუტატები არიან: მირიან წიკლაური, ილია ნაკაშიძე, კობა ნაკაიძე, ლევან ბეჟანიძე, დიმიტრი მხეიძე და კობა ნარჩემაშვილი.

კანონპროექტის ძირითადი არსი მდგომარეობს პირის მიერ პირადი მოხმარების მიზნით, ნარკოტიკული ნივთიერებების გამოყენების  და მცირე ოდენობით ფლობის კრიმინალური პასუხისმგებლობისგან გათავისუფლებაში. კანონპროექტების ავტორი საქართველოს ნარკოპოლიტიკის ეროვნული პლატფორმაა, ცვლილების ინიციატორები აკაკი ზოიძე, ლევან კობერიძე, დიმიტრი ცქიტიშვილი, ირინე ფრუიძე და სოფიო ქაცარავა არიან.

ავტორი: ,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს