სოფელ დუისში სპეცოპერაციის დროს დაშავებული თემირლან მაჩალიკაშვილის მამამ მოსახლეობას სიტყვით მიმართა.

როგორც მალხაზ მაჩალიკაშვილმა აღნიშნა, ის სტრასბურგში ჩივილს აპირებს.

"მითხრეს, რომ წინააღმდეგობა გაგვიწიაო და ამიტომ ვესროლეთო, მაგრამ ტყვია შუბლში ისეა გასული, რომ ლოგინიდანაც არ იყო წამომდგარი. ნორმალურ ქვეყანაში ამდენი საძაგლობა არ ხდება. ჩემი შვილი სიკვდილს ებრძვის, მძინარეს ესროლეს და ახლა კიდევ ამბობენ ტერორისტიაო. თუ ჩემი შვილი ტერორისტია, მაშინ მეც ტერორისტი ვარ. ნუ ჰგონია მთავარობას, რომ ეს შერჩება. ამ საქმეს ასე არ დავტოვებთ. სტრასბურგამდე მივალ, მთელ მსოფლიოს მოვივლი და სიმართლეს დავადგენ, რომ ჩემი უდანაშაულო შვილი გაიმეტეს", - განაცხადა მაჩალიკაშვილმა.

ცნობისთვის, სახელმწიფო უსაფრთხოების სამსახურმა,კონტრტერორისტული სპეცოპერაციის შედეგად, პანკისის ხეობაში 4, თბილისში კი, 1 პირი დააკავა. მათ ბერი გაბრიელ სალოსის გამზირზე ჩატარებული სპეცოპერაციისას განეიტრალებულ პირებთან კავშირი და მათი დახმარება ედებათ ბრალად. სპეცოპერაციის დროს, ერთი პირი დაიჭრა. როგორც სუს-ში განაცხადეს, იგი ხელყუმბარის მოქმედებაში მოყვანას ცდილობდა და სამართალდამცველებმა სწორედ ამის გამო გაუხსნეს ცეცხლი.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება