პარლამენტის თავმჯდომარის განცხადებით, დაემატება თუ არა  საქართველოს კონსტიტუციის მე-18 მუხლს რაიმე ჩანაწერი, ამის თაობაზე გადაწყვეტილება კონსენსუსის საფუძველზე იქნება მიღებული.

კობახიძემ დაინტერესებულ მხარეებს კონსულტაციებისკენ მოუწოდა. თუმცა,  მან ისიც აღნიშნა, რომ იურიდიულ საკითხთა კომიტეტის გუშინდელ სხდომაზე, მე-18 მუხლთან დაკავშირებით, არგუმენტები ვერ მოისმინა. პარლამენტის თავმჯდომარის მტკიცებით, კონსტიტუციის ახალი რედაქციით, ადამიანის უფლებების დაცვის სტანდარტი გაზრდილია.

„იყო შემოთავაზებული გარკვეული ფორმულირება იუსტიციის სამინისტროს მხრიდან, კომიტეტის თავმჯდომარემ სთხოვა მინისტრის მოადგილეს, დაეკონკრეტებინა, წარმოედგინა მაგალითები იმისა, რომ შეიძლება გარკვეული ინფორმაცია არ ექვემდებარებოდეს გასაჯაროებას ობიექტურად, მაგრამ აღნიშნულმა ჩანაწერმა შეიძლება გვაიძულოს ჩვენ, რომ მოხდეს ამ ინფორმაციის გასაჯაროვება. საკომიტეტო განხილვის საფუძველზე მივიღეთ გადაწყვტილება, არ აგვესახა შემოთავაზებული ცვლილება კონსტიტუციურ კანონპროექტში. ჩვენ შეგვიძლია, ეს საკითხი დამატებით განვიხილოთ. კენჭისყრა სავარაუდოდ, ხვალ შედგება კანონპროექტთან დაკავშირებით, ამოცანა არის ის, რომ რაღაც რაც არის გასასაჯაროვებელი, გასაჯაროვდეს, რაც არ არის-არ გასაჯაროვდეს.

თუ იქნება რაიმე არგუმენტი იმის თაობაზე, რომ არის შესაცვლელი ფორმულირება, შეგვიძლია დავეთანხმოთ ამ ინიციატივას.თუმცა, კომიტეტზე ჩვენ არგუმენტი ვერ მოვისმინეთ“,-განაცხადა ირაკლი კობახიძემ.

ავტორი: ,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა