„ჩვენი ქვეყნის ეკონომიკური პოლიტიკა საერთაშორისო სავალუტო ფონდის მიერ სრულადაა მხარდაჭერილი", - ეს განცხადება საქართველოს პირველმა ვიცე პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა დღეს გამართულ პრესკონფერენციაზე გააკეთა.

როგორც დიმიტრი ქუმსიშვილმა აღნიშნა, საერთაშორისო სავალუტო ფონდის აღმასრულებელმა საბჭომ მიიღო გადაწყვეტილება  და საქართველოს პირველი შეფასება მოიწონა, რაც ერთმნიშვნელოვნად ნიშნავს საქართველოს ეკონომიკური პოლიტიკის მხარდაჭერას.

ამასთან, პირველი ვიცე-პრემიერის განცხადებით, თავად საერთაშორისო სავალუტო ფონდის პროგრამა აგებულია საქართველოს 4 პუნქტიან გეგმაზე და შესაბამისად, ფონდის მიერ  მთავრობის განვითარების გეგმაც მხარდაჭერილია.

ამასთან, დიმიტრი ქუმსიშვილის ინფორმაციით, საერთაშორისო სავალუტო ფონდის მიმოხილვაში ნათქვამია, რომ საქართველო გააგრძელებს ეკონომიკურ ზრდას, შემდეგი წლის დასაწყისიდან მოსალოდნელია ინფლაციის კლება.

„რა თქმა უნდა, გაუმჯობესდება ქვეყნის საგარეო პოზიცია. წლის ბიუჯეტი ითვალისწინებს როგორც ფისკალურ კონსოლიდაციას, ასევე ყველა საბიუჯეტო პარამეტრი მაკროეკონომიკური ზრდისკენაა მიმართული", - აღნიშნა პირველმა ვიცე პრემიერმა.

(NS)

ავტორი: ,

სოციალური ქსელები

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება

"შემოსვლა მომგებიანია" - საქართველოს ბანკის გათამაშება ინდმეწარმეებისთვის დაიწყო

ბიზნესმენ ბესიკ ხარძიანის საქმეზე უდესიანს და მუხაძეს 10 წლით და 6 თვით პატიმრობა მიესაჯათ

გელენჯიკში დაღუპულთა რიცხვი ექვსამდე გაიზარდა, რომელთაგან სამი ბავშვია. დაახლოებით 40 ადამიანი დაშავდა