საქართველოს მესამე პრეზიდენტის მიხეილ სააკაშვილის განცხადებით, უკრაინელმა ხალხმა აჩვენა, რომ ბრძოლის უნარი შესწევს.

ამის შესახებ ყოფილმა პრეზიდენტმა "რუსთავი 2"-ის ეთერში განაცხადა.

სააკაშვილმა ყველა იმ ადამიანს გადაუხადა მადლობა, ვინც მის მხარდასაჭერად ქუჩაში გავიდა.

"უნდა გენახათ, როგორ მიცავდა ხალხი დაკავების დროს. ბოლო დაკავების დროს, ხალხმა უკრაინის უსაფრთხოების სამსახურთან აქცია გამართა. გუშინ, შევჩენკოს პარკთან მორიგი მარში გაიმართა, სადაც უამრავი ხალხი იყო გამოსული. მათ აჩვენეს, რომ ჩემს გარეშეც კი შეუძლიათ ბრძოლა. მათ მადლობას ვუხდი. ძალიან მადლობელი ვარ ყველა ადამიანის, ვინც ჩემს გამო გარეთ არის გამოსული. ასევე მადლობა მინდა გადავუხადო ყველა ქართველს, რომელიც ახლა უკრაინის საელჩოსთან აქციას მართავს. საქართველო არის ჩემი გული და სიყვარული, სიცოცხლეზე მეტად მიყვარს", - განაცხადა სააკაშვილმა.

რაც შეეხება მიხეილ სააკაშვილის შესაძლო ექსტრადირებას, სააკაშვილმა აღნიშნა, რომ ექსტრადირების არ ეშინია.

"ივანიშვილმა იკითხოს, თორემ მე არ მეშინია. თუ უკრაინიდან გამოატანენ ჩემს თავს კი, მაგრამ თუ გამოატანენ ჩემი თავი შემოევლოს ორ ოლიგარქს, მაგრამ მერე? ახლა იწყება მაგათი თავდავიწყებნა. აქ ისეთი გამოცდილება მაქვს მიღებული, რომ ვარდების რევოლუცია მაგათთვის მოგონილია", - განაცხადა სააკაშვილმა. 

ავტორი: ,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ