სოფლის მეურნეობის მინისტრი ლევან დავითაშვილი ყოფილი იუგოსლავიის რესპუბლიკის - მაკედონიის სოფლის მეურნეობის, სატყეო მეურნეობისა და წყლის რესურსების მინისტრს, ლუპჩო ნიკოლოვსკის შეხვდა.

სოფლის მეურნეობის სამინისტროს ინფორმაციით, ორი ქვეყნის მინისტრებს შორის გამართულ პირველ ოფიციალურ შეხვედრაზე მხარეებმა ქვეყნებს შორის სამომავლო თანამშრომლობის პერსპექტივები განიხილეს.

როგორც ლევან დავითაშვილმა აღნიშნა, საქართველო და ყოფილი იუგოსლავიის რესპუბლიკა - მაკედონია ბევრი მსგავსი გამოწვევის წინაშე დგას, რაც ქვეყნებს შორის გამოცდილების გაზიარებისა და ნაყოფიერი თანამშრომლობისთვის მნიშვნელოვან პირობას ქმნის.

შეხვედრაზე სოფლის მეურნეობის მინისტრმა კოლეგას სოფლის მეურნეობის განვითარების მხარდამჭერი სახელმწიფო პროგრამები გააცნო და ყურადღება სოფლის განვითარების სტრატეგიაზე გაამახვილა.

„ყოფილ იუგოსლავიის რესპუბლიკაში - მაკედონიაში შესაბამისი სამინისტრო, სოფლის მეურნეობის საკითხებთან ერთად, მოიცავს ტყისა და წყლის რესურსების მართვას; აქვთ ძალიან ბევრი მნიშვნელოვანი პროექტი, მათ შორის, სოფლის მეურნეობის განვითარების კუთხით. მათთვის საინტერესოა საქართველოს გამოცდილება, რომელიც შესაძლოა პირდაპირ გაიზიარონ, ხოლო საქართველოს მხარისთვის ის გამოცდილება, რაც მაკედონიის სოფლის, სატყეო მეურნეობის და წყლის რესურსების სამინისტროს გააჩნია“, - აღნიშნა ლევან დავითაშვილმა.

სოფლის მეურნეობის სამინისტროში გამართულ შეხვედრას საქართველოს თავდაცვის სამინისტროს სახელმწიფო სამხედრო სამეცნიერო-ტექნიკური ცენტრის „დელტა” გენერალური დირექტორი უჩა ძოძუაშვილი ესწრებოდა.

 შეხვედრის ფარგლებში, საუბარი შეეხო აგრარულ დარგში სეტყვის საწინააღმდეგო სისტემის გამოყენების მნიშვნელობას.

(NS) 

ავტორი: ,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება