კიევის სასამართლომ სააკაშვილის მხარდამჭერ სევერიონ დანგაძეს პატიმრობა შეუფარდა

2017-12-07 12:04:54, 2564 ნახვა

სამართალი

კიევის სასამართლომ საქართველოს მესამე პრეზიდენტის მიხეილ სააკაშვილის მხარდამჭერს, სევერიონ დანგაძეს აღკვეთის ღონისძიების სახით ორთვიანი პატიმრობა შეუფარდა, - ამის შესახებ უკრაინის გენერალური პროკურატურის პრეს-მდივანი ლარისა სარგანი Facebook-ის საკუთარ გვერდზე წერს.

როგორც სარგანი წერს, დანგაძის წინააღმდეგ საქმე უკრაინის სისხლის სამართლის კოდექსის 110-ე მუხლის მეორე ნაწილით მიმდინარეობს, რაც ქვეყნის ტერიტორიული მთლიანობის ხელყოფას გულისხმობს.

ცნობისთვის, უკრაინის გენერალურმა პროკურატურამ ქვეყნიდან გაქცეულ ოლიგარქ სერგეი კურჩენკოსა და სააკაშვილის საუბრის 30-წუთიანი ჩანაწერი გამოაქვეყნა, რომელსაც წინ უძღვის სხვა საუბრების აუდიო და ვიდეოჩანაწერები. მათ შორისაა, სავარაუდოდ, სააკაშვილის მოკავშირის სევერიან დანგაძის და კურჩენკოს წარმომადგენლის საუბარიც. ვიდეოჩანაწერის მიხედვით, "კურიერი" დანგაძეს ფულს გადასცემს.