2017-12-05 12:46:11, 1804 ნახვა

---

ბაქრაძე მედოევზე: ხელისუფლებამ ევროპარლამენტის პოლიტიკურ ჯგუფებთან უნდა იმუშაოს, რათა ასეთ ფაქტები არ მოხდეს

“ევროპული საქართველოს“  წევრი დავით ბაქრაძე  სამხრეთ ოსეთის  დეფაქტო საგარეო საქმეთა მინისტრის დიმიტრი მედოევის  ბრიუსელში ჩასვლას გამოეხმაურა.

ბაქრაძის თქმით, საქართველოსთვის ეს ცუდი ფაქტია და ხელისუფლებამ ევროპარლამენტის ხელმძღვანელობასთან მუშაობის შედეგად, მსგავსი  რამ არ უნდა დაუშვას:

,,ევროპარლამენტში ყოველთვის მოიძებნება ერთი, ან ორი ცალკეული დეპუტატი, რომელიც რუსეთის ხელისუფლების დავალებით მზად იქნება, რომ ასეთი აქციები განახორციელოს. სწორედ იმიტომ ჰყავს საქართველოს ხელისუფლება, რომ არ დაუშვას ასეთი რამ. იმუშაოს ევროპარლამენტის ხელმძღვანელობასთან, პოლიტიკურ ჯგუფებთან, რომ ასეთ ფაქტებს არ ჰქონდეს ადგილი. რა თქმა უნდა ეს არის ცუდი საქართველოსთვის,’’- განაცხადა ევროპული საქართველოს თავმჯდომარემ დავით ბაქრაძემ, რომელიც  ევროპარლამენტში ევროპის სახალხო პარტიის პოლიტიკურ ასამბლეას ესწრება.

---

ავტორი: ,

---

დღის თემა

მთავარი თემა

ინტერვიუ - ექსკლუზივი