მთავრობის ადმინისტრაციაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველმა მოადგილემ არჩილ ყარაულაშვილმა შეხვედრა გამართა ისრაელის საგარეო საქმეთა სამინისტროს დელეგაციასთან.

სახელმწიფო მინისტრის აპარატის ინფორმაციით, შეხვედრაზე მხარეებმა საქართველოსა და ისრაელს შორის ურთიერთთანამშრომლობის პერსპექტივებზე, საქართველოს ნატოსთან და ევროკავშირთან ურთიერთობების მიმდინარეობასა და რეგიონში არსებულ უსაფრთხოების გამოწვევებზე ისაუბრეს.

სახელმწიფო მინისტრის პირველმა მოადგილემ ისრაელის მხარეს მადლობა გადაუხადა  საქართველოს სუვერენიტეტისა და ტერიტორიული მთლიანობის, არაღიარების პოლიტიკისა და სხვადასხვა საერთაშორისო ფორუმებზე საქართველოს აქტიური მხარდაჭერისთვის. არჩილ ყარაულაშვილმა ყურადღება გაამახვილა საქართველოს მიერ მიღწეულ პროგრესზე და ისაუბრა იმ მოლოდინებზე, რომელიც საქართველოს აქვს როგორც მოახლოებული აღმოსავლეთის პარტნიორობის რიგის სამიტის, ასევე, 2016 წ. ნატო-ს ვარშავის სამიტისადმი. ასევე, საუბარი  შეეხო რუსეთის მიერ სოხუმისა და ცხინვალის საოკუპაციო რეჟიმებთან ე.წ. „ხელშეკრულებების“ გაფორმებიდან მომდინარე საფრთხეებსა და უკრაინასა და ახლო აღმოსავლეთში მიმდინარე მოვლენების ფონზე რეგიონში შექმნილ უსაფრთხოების მდგომარეობას.

თავის მხრივ, ისრაელის საგარეო საქმეთა სამინისტროს დელეგაციის წარმომადგენლებმა კვლავ დაადასტურეს საქართველოს სუვერენიტეტისა და ტერიტორიული მთლიანობის მიმართ ურყევი მხარდაჭერა და ხაზი გაუსვეს ორ ქვეყანას შორის ორმხრივი ურთიერთობების გაღრმავების მნიშვნელობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ მოსკოვის საჰაერო სივრცის ბლოკადა განაახლა, რის შედეგადაც ოთხივე აეროპორტი მუშაობას წყვეტს

68 წლის შერონ სტოუნმა 34 წლის შემდეგ ხელახლა განასახიერა „ძირითადი ინსტინქტის“ ლეგენდარული სცენა

საფრანგეთში არეულობების შემდეგ Hermès-ი ბუტიკებში უსაფრთხოების ზომებს აძლიერებს

თავის ახალ სამშვიდობო გეგმაში აშშ-მ მოსკოვს შესთავაზა დონბასში დემილიტარიზებული ზონის შექმნა, უკრაინის მიერ ნატოზე უარის თქმა და რუსეთის წინააღმდეგ სანქციების მოხსნა