სამინისტროებმა ამ ეტაპზე ადმინისტრაციული ხარჯები 20 მილიონი ლარით შეამცირეს - ამის შესახებ ფინანსთა მინისტრმა ნოდარ ხადურმა პარლამენტის საკომიტეტო სხდომაზე განაცხადა. 

ხადურის განცხადებით, გამოთავისუფლებული თანხები სხვადასხვა ინფრასტრუქტურულ პროექტებს მოხმარდება.  

„ჩვენ უკვე თებერვალში მივიღეთ დავალება და მარტში წარვადგინეთ საქართველოს მთავრობის სხდომაზე ღონისძიებათა გეგმა, რომელიც ითვალისწინებდა ადმინისტრაციული ხარჯების შემცირებას, სამინისტროებმა ადმინსტრაციული 20 მილიონი ლარით შეამცირეს უკვე ამ ეტაპზე ხარჯები, რაც დაემატა რეგიონული განვითარების ფონდს და ეს თანხები მოხმარდება სხვადასხვა ინფრასტრუქტურულ პროექტებს. ასევე მნიშვენლოვანია, რომ ჩვენ აღებული გვაქვს რამდენიმე ვალდებულება, რომელსაც აუცილებლად შევასრულებთ. უპირველეს ყოვლისა, უნდა ითქვას, რომ არც კაპიტალურ და არც სოციალურ აღებულ ვალდებულებებს არანაირი საფრთხე არ ემუქრება, ყველა სოციალური ვალდებულება იქნება შესრულებული და ამავე დროს ყველა კაპიტალური ხარჯი, ინფრასტრუქტურული პროექტები ინქება განოხრციელებული და დაფინანსებული“, - განაცხადა ნოდარ ხადურმა.
ფინანსთა მინისტრმა საერთაშორისო სავალუტო ფონდის მონაცემებზეც ისაუბრა და განაცხადა, რომ საქართველოს მაკროეკონომიკური პროგნოზები რეგიონის ქვეყნებში უმეტესობას აღემატება.
„ძალიან ხშირად საუბრობენ პროგნოზებზე, როგორი გვქონდა, რატო გვიწევს მისი შემცირება. მე მხოლოდ საერთაშორისო სავალუტო ფონდის მონაცემებს მოგახსენებთ. დავასახელებ ქვეყანას, ძველ და ახალ პროგნოზს. ძველი პროგნოზი გაკეთებულია ოქტომბერში, ეს არის 2015 წლის პროგნოზები, ხოლო ახალი პროგნოზი არის მიმდინარე წლის აპრილში.
საქართველო - 5 და 2, ანუ იყო 5% და არის 2%. რუსეთი - 0,5% და -3,8%; სომხეთი 3,5% და -1%; აზერბაიჯნი 4,3% და 0,6%; ბელარუსი 1,5% და -2,3%; კაზახეთი 4,7% და 2%; ყირგიზეთი 4,9% და 1,7%; მოლდოვა 3,5% და -1%; ტაჯიკეთი 6% და 3%; 1% და -5,5%. ორადორი ქვეყანა, რომელსაც აქვს დღეს ჩვენზე მაღალი პროგნოზი დსთ-ს სივრცეში და ჩვენს სამეზობლოში, არის თურქმენეთი 9%, ნაცვლად 11,5%-ისა და უზბეკეთი 6,2%. ეს არის საერთაშორისო სავალუტო ფონდის მაჩვენებლები“, - განაცხადა ხადურმა.
ფინანსთა მინისტრმა ბიუჯეტის შესრულების პარამეტრებზეც ისაუბრა. 
„თქვენ იცით, რომ გასულ წელს სახლმწიფო ბიუჯეტი გადაჭარბებით იქნა შესრულებული. 2015 წლის 4 თვის ოპერატიული მონაცემებით, სახელმწიფო ბიუჯეტის შემოსულობები შეადგენს 2 მილიარდ 994 მილიონ შვიდასი ათას ლარს, რაც 6 თვის გეგმის 2/3-ია, 66%-ია. ხოლო წლიური გეგმის 30,3 %-ა. მათ შორის საგადასახადო შემოსავლების სახით მიღებულია 2 მილიარად 391 მილიონ 900 ათასი ლარი, რაც 6 თვის გეგმის 68,3, ხოლო წლიური გეგმის 32%-ა. ეს არის 4 თვის გეგმები.
დღევანდელი მდგომარეობით, ნაერთი ბიუჯეტის კაპიტალური ხარჯი 4 თვეში გაზრდილია 92%-ით, ანუ თითქმის გაორმაგებულია შარშანდელ შესაბამის პერიოდთან შედარებით. 345 მილიონი ლარია, რაც 165 მილიონით აღემატება გასული წლის შესაბამის პერიოდს. სახელმწიფო ბიუჯეტის კაპიტალური ხარჯები არის 76%-ით გაზრდილი, ეს არის 94 მილიონი ლარით მეტი. ხოლო ადგილობრივი და ავტონომიური რესპუბლიკების კაპიტალური ხარჯი გაზრდილია 127%-ით, ეს არის 71 მილიონი ლარით მეტი. ოთხ თვეში სახელმწიფო ბიუჯეტის საგადასახადო შემოსავლები პროგნოზს აღემატება 73 მილიონი ლარით. ამავდე დროს, მე შეგახსენებთ, რომ ეს პროგნოზი არის ოპტიმისტური, რომლის გადახედვაც ალბათ მოგვიწევს. ეს არის 5%-იანი ეკონომიკური ზრდის და 4%-იანი მთლიანი შიდა პროდუქტის დეფლატორის პირობებში. ნაერთი ბიუჯეტის საგადასახადო შემოსავლები 76 მილიონი ლარით არის გაზრდილი“, - აღნიშნა ფინანსთა მინისტრმა.
მისივე განცხადებით, მიუხედავად არსებული ფონისა, წელს როგორც მაკროეკონომიკური, ასევე ბიუჯეტის დეფიციტის პროგნოზი სავარაუდოდ, მაინც იქნება გადასახედი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყველა ტელეარხმა ტრამპის ბოიკოტი გამოაცხადა

ირლანდიიდან საქართველოს 43 მოქალაქე დეპორტირებულია

ღარიბაშვილის ახალი წერილი - ჩემი პატიმრობა პირველივე დღიდან პოლიტიკურია

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია