მნიშვნელოვანია ის მხარდაჭერა, რომელსაც ევროპის საინვესტიციო ბანკი უწევს  როგორც საჯარო ისე კერძო სექტორს ჩვენს ქვეყანაში, - ამის შესახებ ფინანსთა მინისტრმა, მამუკა ბახტაძემ ევროპის საინვესტიციო ბანკსა და კრედო ბანკს შორის ხელშეკრულების გაფორმების ცერემონიალის შემდეგ განაცხადა.

როგორც ბახტაძემ აღნიშნა, მისასალმებელია, რომ ევროპის საინვესტიციო ბანკი სუვერენული კრედიტების პარალელურად, ავითარებს თავის შესაძლებლობებს კერძო სექტორთან მიმართებაში.

"დღეს, ხელი მოეწერა ძალიან მნიშვნელოვან ხელშეკრულებას, რომლის მიხედვითაც, ევროპის საინვესტიციო ბანკი კრედო ბანკს 5 მლნ დოლარის ოდენობის ფინანსურ რესურსს გამოუყოფს. თანხა, ძირითადად, მოხმარდება კრედიტების გაცემას ჩვენი მცირე მეწარმეებისთვის და ფერმერებისთვის. ზოგადად, მიკროსესხების წახალისება ძალიან მნიშვნელოვანია, რათა ჩვენი ეკონომიკა გახდეს უფრო კონკურენტუნარიანი.  სუვერენული სესხების ნაწილში გვაქვს ძალიან კარგი პროგრესი. ევროპის საინვესტიციო ბანკი, რომელიც ჩვენი აქტიური დონორია, გვეხმარება განვავითაროთ ჩვენი ინფრასტრუქტურა. პარალელურად, მნიშვნელოვანია კერძო სექტორში ევროპის საინვესტიციო ბანკის პორტფელის გაფართოება, რაც ცალსახად მისასალმებელია. მინდა ვისარგებლო შემთხვევით და კიდევ ერთხელ დიდი მადლობა გადავუხადო ევროპის საინვესტიციო ბანკს ამ მხარდაჭერისთვის," - განაცხადა მამუკა ბახტაძემ.

(NS)

ავტორი: ,

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა