სასტუმრო "ლეო გრანდი", რომელშიც გუშინ ძლიერი ხანძარი გაჩნდა, და 11 ადამიანის სიცოცხლე იმსხვერპლა ხუთვარსკვლავიანია და ის 2015 წლის ზაფხულში გაიხსნა.

სასტუმროში, რომელშიც 40 მილიონი დოლარის ოდენობის ინვესტიცია განხორციელდა და 700 ადამიანი დასაქმდა, არის 180 ნომერი და მსოფლიო კლასის მომსახურება. მაღალი კლასის სასტუმრო კომპლექსში განთავსებულია საპრეზიდენტო აპარტამენტები, საკონფერენციო დარბაზები, რესტორანი, კლუბი და სპაცენტრი.სასტუმრო მაშინდელმა პრემიერ-მინისტრმა ირაკლი ღარიბაშვილმა 7 ივნისს გახსნა.

აჭარის ტურიზმის დეპარტამენტის ვებ-გვერდზე დღემდეა ცნობა, რომ  "რეკომენდებულია" - ეს სტატუსი გაიცემა ისეთ ობიექტებზე, სადაც ტურიზმის დეპარტამენტის შეფასებით, დაცულია:
- სახანძრო უსაფრთხოება, სურსათის უვნებლობა, სანიტარულ-ჰიგიენური ნორმების დაცვა, ობიექტზე დასაქმებულთა შრომის უსაფრთხოება, განთავსების და კვების ობიექტების ოპერირების 
ძირითადი სტანდარტების დაცვა. ამასთან ირკვევა რომ ტურიზმის ეროვნულ ადმინისტრაციას ბოლო 3 წლის განმავლობაში სასტუმრო ლეოგრანდთან" 6-ჯერ აქვს დადებული მომსახურების ხელშეკრულება, რომლის ფარგლებშიც ტურიზმის დეპარტამენტის მიერ მოწვეული სტუმრები, ჟურნალისტები და სომელიეები სწორედ ლეოგრანდში ჰყავდა განთავსებული.

"დაისჯება ყველა, ვისაც ბრალი მიუძღვის ამ ტრაგედიაში, - თქვა პრემიერ-მინისტრმა გიორგი კვირიკაშვილმა  ბათუმში, სასტუმრო „ლეო გრანდში“ გაჩენილ ხანძართან დაკავშირბეით. 

ბათუმში სასტუმრო "ლეო გრანდში" ხანძარი გუშინ დაახლოებით, 21:30 წუთზე გაჩნდა. ამ დროისთვის არსებული მონაცემებით, ხანძარს 11 ადამიანის სიცოცხლე ემსხვერპლა. მათ შორის ირანის 1 ხოლო საქართველოს 10 მოქალაქე. ინტოკსიკაციის შედეგად  21 ადამიანი დაშავდა.  დაშავებულების შორის არიან 5 თურქეთის და 1 ისრაელის მოქალაქე. 

ავტორი: ,

სოციალური ქსელები

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის

ზურაბიშვილი: ევროკომისიას ვთხოვ, დიუშენის დისტროფიით დაავადებული ბავშვების მშობლებისთვის დახმარება გამოყოს

საგამოძიებო სიუჟეტის შემდეგ ჟურნალისტი გურამ როგავა გამოკითხვაზე დაიბარეს