საქართველოს პარლამენტის თავმჯდომარის ირაკლი კობახიძის განცხადებით, ქორწინებასთან დაკავშირებით, სხვადასხვა ქვეყანაში განსხვავებული მიდგომა არსებობს.

მისივე თქმით, ერთ-ერთი მიდგომის თანახმად, ქორწინების სამართლებრივი დეფინიცია მის სოციალურ აღქმას უნდა შეესაბამებოდეს.

„ეს ჩანაწერი შეგიძლიათ ამოიკითხოთ არაერთი საკონსტიტუციო სასამართლოს გადაწყვეტილებაში ევროპის მასშტაბით. გადავწყვიტეთ, ზუსტად ამ დეფინიციით გვეხელმძღვანელა. კერძოდ, ის ჩანაწერი, რომელიც არის დაზუსტებული კონსტიტუციაში, რომელიც მანამდე ისედაც იყო გაწერილი კანონის დონზე, გაგვეწერა უკვე კონსტიტუციის დონეზე“,-აღნიშნა კობახიძემ და დასძინა, რომ  მოცემული  კონსტიტუციური დეფინიცია  საქართველოში ქორწინების სოციალურ აღქმას  შეესაბამება.

„ ასევე მნიშვნელოვანია პოლიტიკური სოციალური ასპექტების   დაკავშირება დეფინიციის დაზუსტებასთან. ძალიან ხშირად გამოიყენება ხოლმე ეს ბუნდოვანება ჩვენს კონსტიტუციაში სპეკულაციებისთვის, მანიპულაციებისთვის,  მათ შორის ჩვენი არაკეთილმოსურნე ძალების მხრიდან. ჩვენი ერთ-ერთი ერთ-ერთი ამოცანა იყო, რომ ასეთი საფუძველი სპეკულაციებისთვის და მანიპულაციებისთვის გამოგვეცალა ხელიდან შესაბამისი ძალებისთვის“,-განაცხადა ირაკლი კობახიძემ.

 რაც შეეხება რაიმე რისკს დისკრიმინაციის კუთხით, კობახიძე ამბობს, რომ აღნიშნული ჩანაწერი არავითარ დისკრიმინაციას არ წაახალისებს:

„ჩვენ დარწმუნებული ვართ, არა მარტო შეგრძნებიდან გამომდინარე, არამედ არგუმენტებზე დაყრდნობით, რომ ეს ახალი ჩანაწერი არავითარ დისკრიმინაციას არ წაახალისებს, პირიქით,  გამოეცლებათ შესაბამის ძალებს ყოველგვარი საბაბი და საფუძველი იმისათვის, რომ გააღვივონ ჰომოფობია ჩვენს ქვეყანაში“,-განაცხადა ირაკლი კობახიძემ.

კონსტიტუციის 30-ე მუხლის ახალ რედაქციაში აღნიშნულია, რომ ქორწინება, როგორც ქალისა და მამაკაცის კავშირი ოჯახის შექმნის მიზნით, ემყარება მეუღლეთა უფლებრივ თანასწორობასა და ნებაყოფლობას.

ავტორი: ,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ