შრომის, ჯანმრთელობისა და სოციალური დაცვის მინისტრის დავით სერგეენკოს შეფასებით, კომპანია "ევექსის" გადაწყვეტილება საყოველთაო ჯანდაცვის პროგრამის კომპონენტების ნაწილიდან გამოსვლის შესახებ ნაჩქარევი ნაბიჯი იყო. 

სერგეენკოს განცხადებითვე, მან არ იცის, რამდენად გამოიწვია ამ გადაწყვეტილებამ შუახევში  ადამიანის გარდაცვალება.

"კომპანია "ევექსმა", სამწუხაროდ, ნაჩქარევი და დაუფიქრებელი ნაბიჯი გადადგა სერვისების შემცირების მხრივ. არ ვიცი, რამდენად გამოიწვია ამან ამ ადამიანის გარდაცვალება, ჩვენ ამას უახლოეს საათებში დავადგენთ და გვეცოდინება. ვფიქრობ, დავარეგულირებთ სიტუაციას ისე, რომ მოსახლეობის ჯანმრთელობას საფრთხე არ შეექმნას", - განაცხადა სერგეენკომ.

მისივე თქმით, ჯანდაცვის სამინისტროს მიერ კლინიკებისათვის თანხების გადარიცხვის დაგვიანების არცერთი შემთხვევა არ ფიქსირდება.

შეგახსენებთ, 24 წლის დაჭრილი ახალგაზრდა შუახევში „ევექსის“ კლინიკაში მივიდა,  თუმცა საავადმყოფოში ქირურგი არ იმყოფებოდა და მამაკაცი მიყენებული ჭრილობების გამო სისხლისგან დაიცალა. სამედიცინო კორპორაცია „ევექსმა“ საყოველთაო ჯანდაცვის პროგრამის კომპონენტების ნაწილიდან გასვლასთან დაკავშირებით გადაწყვეტილება დაახლოებით ერთი კვირის წინ მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ მოსკოვის საჰაერო სივრცის ბლოკადა განაახლა, რის შედეგადაც ოთხივე აეროპორტი მუშაობას წყვეტს

68 წლის შერონ სტოუნმა 34 წლის შემდეგ ხელახლა განასახიერა „ძირითადი ინსტინქტის“ ლეგენდარული სცენა

საფრანგეთში არეულობების შემდეგ Hermès-ი ბუტიკებში უსაფრთხოების ზომებს აძლიერებს

თავის ახალ სამშვიდობო გეგმაში აშშ-მ მოსკოვს შესთავაზა დონბასში დემილიტარიზებული ზონის შექმნა, უკრაინის მიერ ნატოზე უარის თქმა და რუსეთის წინააღმდეგ სანქციების მოხსნა