თბილისის საკრებულოს სხდომა კრიტიკული განცხადებებით დაიწყო

2017-11-17 17:48:34, 2128 ნახვა

საზოგადოება

თბილისის საკრებულოს სხდომა, რომელზეც დედაქალაქის მთავრობის ახალი წევრები უნდა დაამტკიცონ, მწვავე განცხადებების ფონზე მიმდინარეობს.

ოპოზიცია თბილისის მერის კახი კალაძის მიერ წარდგენილ გუნდს მხარს არ უჭერს.

როგორც ფრაქცია „ევროპული საქართველო“, ისე „ნაციონალური მოძრაობა“ თბილისის მერიის უსაფრთხოების სამსახურის უფროსად ნიკოლოზ ჭონქაძის დანიშვნას კატეგორიულად ეწინააღმდეგება.

მათი თქმით, ნიკოლოზ ჭონქაძე გამოირჩევა სიძულვილის ენით და განსაკუთრებული აგრესიულობით ყველა იმ ადამიანის მიმართ, რომელიც განსხვავებულ აზრს გამოთქვამს.

ფრაქცია „ერთიანი ნაციონალური მოძრაობის“ წევრებმა გუშინ კახი კალაძესთან შეხვედრაც მოითხოვეს. მათ დედაქალაქის მერს ქალაქის მთავრობის სიიდან ჭონქაძის კანდიდატურის ამოღებისკენ მოუწოდეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები