ხვალ ყველის ფესტივალი გაიმართება

2017-11-17 16:52:52, 2151 ნახვა

საზოგადოება

11:00 საათზე, ვარდების მოედანზე, ყველის ფესტივალი გაიმართება. ღონისძიებას სოფლის მეურნეობის მინისტრი ლევან დავითაშვილი და დედაქალაქის მერი კახა კალაძე გახსნიან.

ფესტივალში ყველის მწარმოებელი 50 კომპანია, მათ შორის სასოფლო-სამეურნეო კოოპერატივები მიიღებენ მონაწილეობას. წარმოდგენილი იქნება, როგორც ტრადიციული, უძველესი რეცეპტებით დამზადებული ქართული ყველის სახეობები, ასევე, საქართველოში წარმოებული ევროპული, ბრენდირებული ყველის ანალოგები.

ფესტივალზე ყველის ოსტატების მიერ ნაჩვენები იქნება ყველის ამოყვანის მეთოდები. დამთვალიერებლები გაეცნობიან დამბალ ხაჭოს, მუჩლისა და ყველის სხვა სახეობების დამზადების პროცესს. ფესტივალის ფარგლებში გაიმართება ყველის დეგუსტაცია-გაყიდვა.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები