ევროკავშირის ელჩი საქართველოში იანოშ ჰერმანი პრემიერ გიორგი კვირიკაშვილის მიერ დაანონსებულ სტრუქტურულ ცვლილებებს გამოეხმაურა, რომელიც ზოგიერთი  სამინისტროს სხვა უწყებასთან  გაერთიანებას გულისხმობს.

ჰერმანის თქმით, შეხვედრას გამართავენ  იმ ადამიანებთან, რომლებიც  ევროინტეგრაციის საკითხებზე პასუხისმგებლობას გადაიბარებენ. ელჩი იმედოვნებს, რომ  ერთობლივი თანამშრომლობა მომავალშიც გაგრძელდება.

„ცვლილებებზე შემიძლია გითხრათ, რომ ეს გადაწყვეტილება საქართველოს მთავრობამ მიიღო. მინდა, მადლობა გადავუხადო მინისტრს და იმ ხალხს, რომლებიც ტოვებენ საკუთარ თანამდებობებს. ჩვენ კარგად ვთანამშრომლობდით მათთან და მოუთმენლად ველით ახლადდანიშნულ ხელმძღვანელობასთან თანამშრომლობასაც. ეს არის სტრუქტურული ცვლილება, რომელიც ერთადერთი არ არის, რომელიც განხორციელდა. ვიმედოვნებთ, რომ კონტაქტში შევალთ მთავრობასთან დაქვემდებარებულ სხვადასხვა სტრუქტურასთან, როგორ გავაგრძელოთ თანამშრომლობა  ახალი გარემოებების გათვალისწინებით. სახელმწიფო მინისტრი კურირებდა ევროინტეგრაციის საკითხებს და ეს სამინისტრო მჭიდროდ თანამშრომლობდა პრემიერის ადმინისტრაციასთან. შევხვდებით იმ ხალხს, ვინც ახლა ევროინტეგრაციის საკითხებზე იქნება პასუხისმგებელი და ვნახავთ, რა პირობები იქნება ჩვენი ერთობლივი მუშაობისთვის“,-განაცხადა იანოშ ჰერმანმა.

ცვლილებების თანახმად, საგარეო საქმეთა სამინისტროს უერთდება სახელმწიფო მინისტრის აპარატი ევროპულ და ევროატლანტიკურ სტრუქტურებში ინტეგრაციის საკითხებში და მინისტრის პოსტს ვიცე-პრემიერი მიხეილ ჯანელიძე დაიკავებს.

ავტორი: ,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ