2017-11-13 11:13:24, 1991 ნახვა
პოლიტიკა
გიორგი გახარია ვიცე-პრემიერის პოსტსაც დაიკავებს
გიორგი გახარია ვიცე-პრემიერის თანამდებობაზეც ინიშნება.
ამის შესახებ ქვეყნის პრემიერმა გიორგი კვირიკაშვილმა მთავრობის ადმინისტრაციაში სტრუქტურულ და საკადრო ცვლილებებთან დაკავშირებით საგანგებო ბრიფინგზე განაცხადა.
„შსს-ს როლი, პოლიციელის პრესტიჟი, დანაშაულთან ბრძოლა და საზოგადოებრივი წესრიგი არის ჩვენი მნიშვნელოვანი პრიორიტეტი და ამ პრიორიტეტის ხაზგასასმელად მინისტრი ამავდროულად დაიკავებს ვიცე-პრემიერის პოსტს. გიორგი გახარია სწორედ მენეჯერული გამოცდილებითაა შერჩეულ ამ პოსტზე და დარწმუნებული ვართ, ის წარმატებული მინისტრი იქნება“,-აღნიშნა გიორგი კვირიკაშვილმა.
ცნობისთვის, ცვლილებების თანახმად, შინაგან საქმეთა მინისტრ გიორგი მღებრიშვილს გიორგი გახარია ცვლის, რომელიც ამ დრომდე ეკონომიკის მინისტრის თანამდებობას იკავებდა.
![]()
ავტორი: ,
epn.ge (@expressnews.ge)
