„მიხარია, რომ განახლების პროცესი მიმდინარეობს, ძალიან მნიშვნელოვანია, რომ ქუთაისი ახალი ენერგიით შეუდგება განვითარების ახალ ეტაპს და ამ პროცესს სათავეში ჩაუდგება გიორგი ჭიღვარია, რომელიც არის გამორჩეული ადამიანი თავისი პატიოსნებით, საქმისადმი დამოკიდებულებით და გამოცდილებით“, - ამის შესახებ პარლამენტის თავმჯდომარემ, პარტია „ქართული ოცნება - დემოკრატიული საქართველოს“ აღმასრულებელმა მდივანმა ირაკლი კობახიძემ ქუთაისში, სახელმწიფო დრამატულ თეატრში ამომრჩეველთან შეხვედრისას განაცხადა.

ირაკლი კობახიძემ გიორგი ჭიღვარიას წარმატებები უსურვა და მხარდამჭერებს სიტყვით მიმართა. მისი თქმით, თითოეული მხარდამჭერის გვერდში დგომა იყო აუცილებელი იმისთვის, რომ მიზნები, რომელიც დაისახა „ქართულმა ოცნებამ“ განხორციელებულიყო.

როგორც პარტიის აღმასრულებელმა მდივნმა შეხვედრაზე აღნიშნა, სწორედ ამ მხარდაჭერის შედეგია ის, რომ მმართველმა გუნდმა ჩაატარა ძალიან რთული საპარლამენტო არჩევნები და მოახერხა მაღალი შედეგის მიღწევა, ასევე ჩატარდა ადგილობრივი თვითმმართველობის არჩევნები, სადაც მოსახლეობის 56%-მა „ქართულ ოცნებას“ დაუჭირა მხარი.

„ეს ყველაფერი იმის მანიშნებელია, რომ ჩვენ ვართ ძლიერი გუნდი და ამას ხედავს საქართველოს მოსახლეობა. ქართველი ამომრჩეველი ხედავს, რომ ქვეყანა მიდის წინ და 2012 წლიდან დღემდე ჩვენ მივაღწიეთ ძალიან დიდი პროგრესს ყველა მიმართულებით - დაწყებული დემოკრატიით, ადამიანის უფლებებით, ეკონომიკური და სოციალური კუთხით ქვეყანა ვითარდება. რა თქმა უნდა, რჩება უამრავი სირთულე და გამოწვევა, ჩვენ ძალიან მძიმე მემკვიდრეობა დაგვხვდა, მაგრამ, რაც მთავარია, ქვეყანა მიდის სწორი მიმართულებით და ამას ხედავს და აფასებს ჩვენი ამომრჩეველი“, - განაცხადა ირაკლი კობახიძემ.

ამომრჩეველთან გამართულ შეხვედრას ქუთაისში ესწრებოდნენ პარტია „ქართული ოცნების“ გენერალური მდივანი კახა კალაძე, იმერეთის გუბერნატორი გივი ჭიჭინაძე და პარლამენტის წევრები.

(NS)

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით