ჯანდაცვის მინისტრის დავით სერგეენკოს განცხადებით, გავრცელებული ინფორმაცია, რომ  საყოველთაო ჯანდაცვის პროგრამის ფარგლებში, ზოგიერთი კლინიკა განუსაზღვრელად მაღალ ანაზღაურებას იღებს, ზოგიერთი კი - დაბალს, რეალობას არ შეესაბამება.

სერგეენკოს განმარტებით, ერთი და იგივე სამედიცინო მომსახურებაში შესაძლოა,  სხვადასხვა კლინიკას განსხვავებული ფასი ჰქონდეს, თუმცა სახელმწიფო  ხარჯებს მათი   ფასის მიხედვით არ ანაზღაურებს.

სერგეენკოს  თქმით, დაფინანსების  მეთოდი  უფრო დაიხვეწება. ამასთან, მინისტრის განმარტებით, ჯანდაცვის სამინისტრო სამედიცინო მომსახურების  ფასებს აქამდეც აწესებდა და მომავალშიც დააწესებს:

"საყოველთაო ჯანდაცვის პროგრამის ამოქმედებიდანვე, სახელმწიფომ უკვე განსაზღვრა ეს ფასები. ის მოარული ხმები, რომელიც ჩემთვის გაუგებარი მიზეზების გამო გააქტიურდა ამ ბოლო დღეებში, არ ვიცი რატომ, რომ ზოგიერთი კლინიკა განუსაზღვრელად მაღალ ანაზღაურებას იღებს და ზოგიერთი - დაბალს, რეალობას არ შეესაბამება. ერთი და იგივე სამედიცინო მომსახურებაში შეიძლება სხვადასხვა კლინიკას სხვადასხვა ფასი ჰქონდეს, მაგრამ ჩვენ ამ ფასით არასდროს გაგვიწევია ანაზღაურება. რომ წარმოიდგინოთ, ერთი და იგივე ქირურგიულ მომსახურებაზე, ვთქვათ, ერთი კლინიკა ითხოვს 10 000 ლარს და მეორე 1 000-ს, არის საერთაშორისოდ მიღებული ანაზღაურების მეთოდოლოგია, რომელსაც ჩვენ ვიყენებთ და ანაზღაურებას ვახდენთ ამ არეალში. პლუს ამას ემატება, რომ სამედიცინო დაწესებულებამ უნდა წარმოადგინოს დასაბუთება, რეალურად გაწეული ხარჯების შესახებ და ამ ორი ინსტრუმენტით ვმართავთ ამ სიტუაციას. რა თქმა უნდა, სახელმწიფო ყოველთვის აწესებდა და დააწესებს ფასებს. ეს განფასების სისტემები ჩვენ შემთხვევაში, რამე ორიგინალური არ მოგვიგონია. ვიყენებთ იმას, რასაც მთელი მსოფლიო. ცვლილებები, რაც განხორციელდება, მიმართული იქნება იმისკენ, რომ უფრო დაიხვეწოს, უფრო შედეგზე ორიენტირებული, ხარჯეფექტური იყოს, თორემ აქამდე არ აწესებდა და აწი დაიწყებს დაწესებას, გარწმუნებთ, რომ ეს არის არ ვიცი საიდან მოტანილი საკითხი", - განაცხადა სერგეენკომ.

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით