თბილისის მე-5 მოწვევის საკრებულოს თავმჯდომარე გიორგი ალიბეგაშვილმა, საკრებულოს წევრებს გამოსამშვიდობებელი სიტყვით მიმართა.

ალიბეგაშვილის თქმით, ისურვებდა, რომ მე-6 მოწვევის საკრებულო გაცილებით კონსტრუქციული და ქალაქის განვითარებაზე ორიენტირებული იყოს.

გიორგი ალიბეგაშვილის განცხადებით, ამაყია, რომ მე-5 მოწვევის საკრებულოს თავმჯდომარე იყო.

"დიდი მადლობა მინდა გითხრათ კოლეგებს, გუნდის წევრებს, ოპოზიციონერებს, რომ ეს წლები ერთად ვიყავით. ჩვენ პირველ რიგში ადამიანები ვართ და ამაყი ვარ, რომ ადამიანობას ყოველთვის ვინარჩუნებდით. ვუსურვებ წარმატებას ჩემს კოლეგებს, რომლებიც აქ რჩებიან. ბევრი მაქვს სათქმელი და ამას სხვადასხვა შეხვედრის ფორმატებში, ნელ-ნელა გეტყვით. ვფიქრობ, მე-5 მოწვევის საკრებულო გამორჩეული იყო საქმიანობით და ურთიერთობებით. ასეთი გამონათქვამია და ამ სიტყვებით დავასრულებ - მაქვს პატივი, რომ გიცნობდეთ", - აღნიშნა გიორგი ალიბეგაშვილმა.

შეგახსენებთ, თბილისის მე-5 მოწვევის საკრებულომ დღეს ბოლო სხდომა გამართა. ახლადარჩეული საკრებულოს პირველი სხდომა 14 ნოემბერს ჩატარდება, რომელზეც გიორგი ალიბეგაშვილს საკრებულოს წევრობა შეუწყდება.

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით