„შემიძლია ვთქვა, რომ სასამართლო ხელისუფლება შედგა“, - ასე შეაფასა თიანეთის მერობის კანდიდატმა თამაზ მეჭიაურმა თბილისის საქალაქო სასამართლოს გადაწყვეტილება, რომლის თანახმადაც, თიანეთში ხელახალი არჩევნების  ჩატარების თაობაზე,  „ქართული ოცნების“ თიანეთის მერობის კანდიდატის სარჩელი არ დაკმაყოფილდა.

„არანაირი არგუმენტი მათ არ ჰქონდათ შედეგების გაუქმების, ყირაზე უნდა დაეყენებიათ მთელი კანონმდებლობა, უნდა დაეყენებიათ ცესკოს მთელი საქმიანობა, რადგან სულ ამ წესით თვლიდნენ. ყირაზე უნდა დაეყენებიათ თავისი ზეიმი, ზუსტად იმ კანონით დაიმატეს 4 ხმა, რომელსაც ახლა ასაჩივრებენ, ნაწარმოების პერსონაჟი მგონია თავი, 7-ჯერ ესროლა და 7-ივე ააცილაო, 6 ააცილა და მე-7 დარჩა“, - აღნიშნა მეჭიაურმა.

შეგახსენებთ, თბილისის საქალაქო სასამართლომ პარტია „ქართული ოცნება დემოკრატიული საქართველოს” თიანეთის მერობის კანდიდატის ლელა ქიტესაშვილის სარჩელი არ დააკმაყოფილა.  ქიტესაშვილი თიანეთში არჩევნების მეორე ტურის გამართვას ითხოვდა.

ამ დროის მდგომარეობით, თიანეთის არჩევნებში გამარჯვებულად კვლავ თამაზ მეჭიაური ითვლება.

ცნობისთვის, 27 ოქტომბერს, თბილისის სააპელაციო სასამართლომ თიანეთის მერის არჩევნებთან დაკავშირებით მცხეთის რაიონული სასამართლოს გადაწყვეტილება ძალაში დატოვა, რომლის თანახმად,  თიანეთის მერი თამაზ მეჭიაური გამოდის.

სასამართლოს ამ გადაწყვეტილების შეფასებისას,  ლელა ქიტესაშვილმა თამაზ მეჭიაურს თიანეთის მერის თანამდებობაზე  წარმატებებიც უსურვა, თუმცა მოგვიანებით პოზიცია შეცვალა და ცენტრალურ საარჩევნო კომისიას  მეორე ტურის დანიშვნის მოთხოვნით  მიმართა.  აღნიშნული მოთხოვნა ცესკომ არ დააკმაყოფილა, რის შემდეგაც მან  ცესკოს  გადაწყვეტილება სასამართლოში გაასაჩივრა.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს