ბანკებში ფინანსთა სამინისტროს მიერ განთავსებულ ფულს რომ გავლენა ჰქონდეს კურსზე,   რა თქმა უნდა, ამ ინსტრუმენტს ჩვენ არ გამოვიყენებდით, მაგრამ ეს ასე არ არის, - ამის შესახებ პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა კომერციულ ბანკებში სახელმწიფო ხაზინის მიერ განთავსებული დეპოზიტების საკითხზე განაცხადა.

როგორც მან აღნიშნა, ეს არის ჩვეულებრივი პრაქტიკა ყველა განვითარებულ  ქვეყანაში.

„სადაც ხაზინა განვითარებულია,  ხდება ამ მექანიზმის გამოყენება  და ჩვენ ამ ოპერაციებს გავაგრძელებთ", - განაცხადა დიმიტრი ქუმსიშვილმა.

მან დეპუტატებს წარუდგინა გრაფიკული მაჩვენებლები, სადაც დეტალურად იყო გაწერილი  ხაზინის მიერ ბანკებში განთავსებული დეპოზიტების და  რეფინანსირების  სესხების დინამიკა.

„დღეს ჩვენ ეკონომიკაში ჩვეულებრივი ზიარჭურჭლის პრინციპი გვაქვს,  როდესაც, ერთი მხრიდან, აწვდი და მეორე მხრიდან კი - აბალანსებ. რამდენი დეპოზიტიც ჩვენ განვათავსეთ კომერციულ ბანკებში, ზუსტად იმდენით შეამცირეს კომერციულმა ბანკებმა  რეფინანსირების სესხების აღება  ეროვნული ბანკიდან.  აბსოლუტურად სარკისებურად არის ასახული ეს ორი მოვლენა ერთმანეთთან და ამას ლარის კურსზე არა აქვს გავლენა", - განაცხადა პირველმა ვიცე-პრემიერმა.

მისივე თქმით, აღნიშნულ საკითხზე საქართველომ საერთაშორისო ექსპერტებთან კონსულტაციები გაიარა, რომელთა დასტურითაც  მოხდა აღნიშნული გადაწყვეტილების მიღება.

(NS)

ავტორი: ,

სოციალური ქსელები

თეთრმა სახლმა CNN-ს ტრამპის საპრეზიდენტო თვითმფრინავში ასვლა აუკრძალა

NYT: OpenAI-ის ხელოვნური ინტელექტის აგენტებმა აშშ-ის მთავრობის ვებსაიტებს კომპანიას ინფორმირების გარეშე შეუტიეს

ტრამპმა გამოაქვეყნა ჰორმუზის სრუტის რუკა, რომელსაც „ტრამპის სრუტე“ უწოდა

სენატორთა ჯგუფმა ტრამპს მოუწოდა, გააუქმოს პუტინის მოწვევა G20-ის სამიტზე