საქართველოს პრემიერ-მინისტრის გიორგი კვირიკაშვილის განცხადებით, ქვეყანაში ყველა წინაპირობა არსებობს იმისათვის, რომ  მომავალ წელს ეკონომიკური ზრდის კიდევ უფრო მაღალი მაჩვენებელი დაფიქსირდეს.

როგორც კვირიკაშვილმა მთავრობის დღევანდელ სხდომაზე აღნიშნა, ინფრასტრუქტურის მიმართულებით დასახარჯი რესურსის რაოდენობა 2018 წელს თითქმის  გაორმაგდება, ასევე დაგეგმილია სხვადასხვა პროექტების განხორციელება და ეს ყველაფერი  მოქალაქეების მდგომარეობაზე აისახება:

„მესმის, რომ ჩვენი მოსახლეობის ეკონომიკურ მდგომარეობაში ეს  ერთბაშად არ აისახება, მაგრამ მნიშვნელოვანია, ჩვენმა მოქალაქეებმა იცოდნენ, რომ ტენდენცია, რომელიც ჩვენს ქვეყანაშია, არის ძალიან ჯანსაღი და   ყველა წინაპირობაა იმისათვის, რომ კიდევ უფრო მეტი ეკონომიკური ზრდა იყოს მომავალ წელს და დარწმუნებული ვარ, ეს ასეც იქნება. უამრავი პროექტია დაგეგმილი, რომელიც წელს ხორციელდება. მოგეხსენებათ, ინფრასტრუქტურის მიმართულებით გვაქვს 36%-იანი ზრდა წელს, მომავალ წელს თითქმის გაორმაგდება შარშანდელთან შედარებით ინფრასტრუქტურის მიმართულებით დასახარჯი რესურსის ოდენობა და ეს ყველაფერი კერძო სექტორზე აისახება, მეწარმეობაზე აისახება, ახალ საწარმოებზე, ადგილობრივ წარმოებაზე აისახება,  რაც ძალიან მნიშვნელოვანია ჩვენი მოქალაქეებისთვის“,-აღნიშნა გიორგი კვირიკაშვილმა.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს