საპარლამენტო ფრაქცია ‘’ერთიანი ნაციონალური მოძრაობის’’ თავმჯრომარე რომან გოცირიძე ლარის დევალვაციაში ხელისუფლებას ადანაშაულებს. 

როგორც გოცირიძემ აღნიშნა, ზაფხულის ან ზამთრის კლიმატი ლარზე გავლენას არ ახდენს, თუ ფისკალური და მონეტარული პოლიტიკა სწორად წარიმართება.

‘’კვლავ გრძელდება სეზონური გაუფასურება ლარის, შარშან ეს დაიწყო ნოემბრის თვეში და ვიხილეთ პარლამენტისა და მთავრობის პანიკური მდგომარეობა, ყოველივე ჩვენი მოქალაქეების მდგომარეობაზე მძიმედ აისახა, დღეს ეს სეზონური დაავადება ერთი თვით ადრე დაიწყო, ამბობენ, რომ ახალი წლის მოახლოების ბრალია ან სხვა სეზონური ფაქტორების, მაგრამ იმ ცხრა წელზე რატომ არ მოქმედებდა და პირიქით შემოდგომაზე და წინა საახალწლო პერიოდში ლარი ყოველთვის მყარდებოდა. ეროვნული ბანკის საიტზე შედით, ნახეთ სტატისტიკა, სადაც სჩანს, რომ ზაფხულის ან ზამთრის კლიმატი ლარზე გავლენას არ ახდენს, თუ ფისკალური და მონეტარული პოლიტიკა წარიმართება სწორად. მთავარი მიზეზია საქართველოს არაკომპეტენტური ხელისუფლება და ფინანსთა სამინისტრო, რომლებიც უგუნურად იქცევიან. უგუნურების ერთ-ერთი მაგალითია, ფინანსთა სამინისტრომ, ანუ მთავრობამ, კომერციულ ბანკებს ასესხა 500 მილიონი ლარი. მანამდე გასესხებული ჰქონდა დაახლოებით 150 მილიონი და დღეს 650 მილიონით არის ხაზინიდან დაკრედიტებული კომერციული ბანკები. გსმენიათ ოდესმე, საქართველოს დამოუკიდებლობის ისტორიაში, რომ ბიუჯეტი კომერციულ ბანკებს აკრედიტებდეს? სად მომხდარა ეს? ამას ემატება 1.7 მილიარდის ოდენობით ეროვნული ბანკის მიერ რეფინანსებისთვის გაცემული სესხები. მთლიანობაში ხელისუფლებამ ბანკებს მისცა ბაკნების მიერ მოზიდული სახსრების 10%-ზე მეტი. რომელ ქვეყანაშია ასე?” - განაცხადა რომან გოცირიძემ. 

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით