საპარლამენტო უმრავლესობის წევრი ანრი ოხანაშვილი  პარლამენტის პლენარულ სხდომაზე ნუცუბიძის პლატოზე მომხდარ ფაქტს გამოეხმაურა.

როგორც ოხანაშვილმა აღნიშნა, მომხდარი „ქართული ოცნებისთვის“ და ხელისუფლებისთვის ტრაგედიაა.

„ძალიან მნიშნელოვანია სიცოცხლის უფლება, თითოეული ადამიანის  ჯანმრთელობის უფლება. ამიტომ ჩვენ ძალიან  ყურადღებით  ვეკიდებით ყველა ასეთ  ფაქტს და რა თქმა უნდა ჩვენთვის უმთავრესი ამოსავალი პრინციპი არის  ყველა ადამიანის სიცოცხლის განუხრელი დაცვა, ვინაიდან ეს არის ძალიან მაღალი სამართლებრივი სიკეთე.

ძალიან ვწუხვარ და ცუდ  ფაქტს აქვს ადგილი, ოპოზიციას ამ საკითხის პოლიტიკურ ჭრილში გადატანის მცდელობა აქვს. ვინაიდან  ჩვენ შეგვიძლია ვისაუბროთ ამ საკითხთან დაკავშირებით და მოვითხოვოთ პასუხები.  ეს ლოგიკურიც არის, რომ ჩვენ უნდა გვქონდეს შეკითხვები  ამა თუ იმ საკითხთან დაკავშირებით. მათ გულწრფელობაში ეჭვი რომ არ მეპარებოდეს, ვიტყოდი, რომ მართლაც აქვთ შეკითხვები, თუმცა  ძალიან მეეჭვება.  აქ უნდა ითქვას რამდენიმე საკითხი. ჩვენ მათგან განსხვავებით მზად ვართ შევხვდეთ მინისტრს ამ საკითხთან დაკავშირებით. თქვენ ნუ გაქვთ იმის ილუზია, რომ ვინმეს პარლამენტში მოსვლის ეშინია.  რა თქმა უნდა მინისტრი მოვა პარლამენტში და  ჩვენ განვსაზღვრავთ ფორმატს.  და დავსვამთ შეკითხვებს, რომელიც ჩვენ გვაინტერესებს.

ოპოზიციის გასაგონად უნდა ითქვას, თქვენგან განსხვავებით არ ვმოქმედებთ  ემოციებით, პოლიტიკური ქულების ჩაწერის მიზნით, სწრაფი გამოძიებით, მტკიცებულებების გარეშე და სხვათა შორის , თქვენგან განსხვავებით ჩვენ არ გვაქვს ისეთი საქმეები  როგორიც არის ევროპული სასამართლოს ძალიან მკაცრი გადაწყვეტილებები“,-განაცხადა ანრი ოხანაშვილმა.

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით