„ჩვენ ნათლად ვხედავთ, რომ ქართულ-ესტონური ურთიერთობები მომგებიანი და უკეთესი მომავლის უზრუნველმყოფელია როგორც ქართველი ასევე ესტონეთის  მოსახლეობისათვის“,-ასე მიმართა საქართველოს პრეზიდენტმა გიორგი მარგველაშვილმა ესტონელ კოლეგა კერსტი კალიულაიდის ავლაბრის რეზიდენციაში გამართულ ერთობლივ პრესკონფერენციაზე.

 როგორც პრეზიდენტმა  აღნიშნა, საქართველო და ესტონეთი კოორდინირებული მუშაობით  იმ გზას წარმატებულად გაივლის, რომელიც დასახული აქვს.

„მე ასევე მჯერა, ის ნათელი ხედვა, რაც   თქვენ გაგაჩნიათ, გააჩნია ჩვენს ესტონელ მეგობრებს, უზრუნველყოფს  უფრო სტაბილურ, უფრო უკეთეს მომავალს  არამხოლოდ ქართველებისთვის და ესტონელებისთვის, არამედ უზრუნველყოფს უკეთეს მომავალს  ჩვენი ერთობლივი არეალისთვის, სადაც ჩვენ ვავითარებთ ჩვენს სახელმწიფოებრიობას. ეს არის ევროპული, ევროატლანტიკური გარემო და მე დარწმუნებული ვარ, ჩვენი კოორდინირებული მუშაობით  ჩვენ მომავალშიც იმ გზას, რომელიც დასახული  აქვს  საქართველოს და ესტონეთს  წარმატებულად გავაგრძელებთ“,-განაცხადა პრეზიდენტმა.

მარგველაშვილმა ორი ქვეყნის დიპლომატიური ურთიერთობის აღდგენაზე ისაუბრა და  აღნიშნა, რომ მომავალ წელს როგორც ქართველებისთვის  ასევე ესტონელებისთვის მნიშვნელოვანი ისტორიული თარიღია.

„ქალბატონ პრეზიდენტს, როგორც იმ ქვეყნის ლიდერს, რომელმაც შეძლო 100 წლის წინ რესპუბლიკის ჩამოყალიბება, ვთხოვე, რომ მონაწილეობა მიიღოს ჩვენს ღონისძიებებში,  იმ აქცენტის  გათვალისწინებით, რომ ჩვენ ვიყავით დამოუკიდებელი, ევროპული ქვეყნები 100 წლის წინ, მერე იყო კიდევ ერთი ისტორიული უსამართლობა იმიტომ რომ  ვიყავით დაპყრობილები და ვიყავით  საბჭოთა კავშირის შემადგენლობაში.

ახლა როდესაც ისევ გავხდით დამოუკიდებლები  ჩვენ კიდევ უფრო უნდა გავუფრთხილდეთ ჩვენს დამოუკიდებლობას, სუვერენიტეტს და ვიდგეთ  ერთმანეთის გვერდით”,- აღნიშნა გიორგი მარგველაშვილმა და დასძინა, რომ ესტონეთის პრეზიდენტის ვიზიტის დრო მიღებული შეთანხმებები კიდევ უფრო წინ წასწევს ქართულ-ესტონურ ურთიერთობებს.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს