შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ოკუპირებულ რეგიონებში აღმოჩენილი არტეფაქტების ერმიტაჟში (ერმიტაჟის მუზეუმი, პეტერბურგი, რუსეთი) გამოფენას გამოეხმაურა.

ციხელაშვილის თქმით, კულტურული მემკვიდრეობის ძეგლების თვალსაზრისით, ოკუპირებულ ტერიტორიებზე პრობლემა უკვე წლებია არსებობს.

სახელმწიფო მინისტრის განმარტებით, აღნიშნულ საკითხებთან დაკავშირებით საერთაშორისო პარტნიორებს ინფორმაციებს აწვდიან, ასევე ცდილობენ, გამოძებნონ გზები, რომ მოხდეს ამ  თემების ირგვლივ თანამშრომლობა (აფხაზებთან).

„ჩემთვის ეს არ გახლავთ სიურპრიზი და ახალი ამბავი იმიტომ, რომ ჩვენ წლების განმავლობაში, მათ შორის ჟენევის საერთაშორისო დისკუსიების ფარგლებშიც ვსაუბრობთ პრობლემებზე და გამოწვევებზე, რომელიც არსებობს კულტურული მემკვიდრეობის ძეგლების თვალსაზრისით ოკუპირებულ  ტერიტორიებზე, რაც გულისხმობს არა მხოლოდ  ისტორიული ძეგლების სავალალო მდგომარეობას, მათ დაზიანებას, ზოგიერთ შემთხვევაში მიზანმიმართულ დაზიანებას, არამედ ჩვენი საგანძურის, ასეთი არტეფაქტების გატანას, შავ არქეოლოგიას. ამ საკითხებზე ვცდილობთ გავამახვილოთ მათ შორის ჩვენი პარტნიორების ყურადღება, რომ ეს პროცესები შეწყდეს, აბსოლუტურად უკანონო პროცესები და არ გადიოდეს ქვეყნის საგანძური სხვადასხვა მიმართულებით ასე განუკითხავად. კიდევ ერთხელ გავიმეორებ, ვცდილობთ, გამოვძებნოთ გზები იმისა, რომ მოხდეს ამ საკითხების ირგვლივ თანამშრომლობა, ვფიქრობთ როგორც ქართველებისთვის, ისე აფხაზებისთვის  ეს საკითხი არ უნდა იყოს სულერთი, ისინიც არ უნდა იყვნენ გულგრილი იმის მიმართ, რაც ხდება. სურვილის შემთხვევაში შესაძლებელია მოძიება იმ გზების,  რომელიც წლების განმავლობაში არსებულ ძალიან ცუდ,  მანკიერ პრაქტიკას დაუსვამს წერტილს და მომავალში ვიფიქრებთ იმაზე, თუ როგორ შევინარჩუნოთ ის საგანძური, ის მემკვიდრეობა, რომელმაც საუკუნეებს გაუძლო. სრულიად დაუშვებელია, რომ დღეს ასეთ ვითარებაში მოხდეს მათი განადგურება, დაკარგვა და ასე შემდეგ“,–განაცხადა  ქეთევან ციხელაშვილმა.

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით