საქართველოს პარლამენტის თავმჯდომარემ ირაკლი კობახიძემ ტელეკომპანია „იმედთან“ ინტერვიუში კოორდინატორებთან დაკავშირებით საუბრა და აღნიშნა, რომ „ნაციონალური მოძრაობის“ ხელისუფლებისგან განსხვავებით,  კოორდინატორები მხოლოდ ამომრჩევლის მობილიზებას ახდენდნენ:

„ ახალ პრაქტიკას რაც შეეხება, კოორდინატორები მხოლოდ და მხოლოდ ამომრჩევლის მობილიზებას ახდენდნენ ყოველგვარი შანტაჟის, დაშინებისა და იძულების გარეშე. ჩვენ ის პრაქტიკა, რომელიც 2012 წელს და უფრო ადრე იყო ჩამოყალიბებული, ჩავაბარეთ წარსულს. კოორდინატორი გავრცელებული პრაქტიკაა დემოკრატიულ ქვეყნებშიც. თუ ისინი ახდენენ ამომრჩევლის მობილიზებას, აქ არანაირი პრობლემა არ არის. მთავარია, უკანონო და არასამართლებრივი მეთოდები არ გამოიყენონ.

„ნაციონალური მოძრაობის“ დროს პრობლემა პოლიციელი, კოორდინატორი და ასე შემდეგ კი არ იყო, პრობლემა იყო ის, რომ პოლიციელი მოქმედებდა ხშირ შემთხვევაში უკანონოდ. ზოგადად პოლიციაზე არ მაქვს საუბარი, კონკრეტულ ფაქტებზე მაქვს საუბარი. კოორდინატორები მოქმედებდნენ უკანონოდ, დაშინების, შანტაჟის და ასე შემდეგ ფორმებს იყენებდნენ. ჩვენ კოორდინატორებს კი ვერ ჩავაბარებთ წარსულს, წარსულს უნდა ჩავაბაროთ ის პრაქტიკა, რასაც „ნაციონალების“ კოორდინატორები იყენებდნენ“,-აღნიშნა ირაკლი კობახიძემ.

კითხვაზე-მომავალ საპრეზიდენტო არჩევნებზეც ვიხილავთ კოორდინატორებს, კობახიძემ ასე უპასუხა:

"კოორდინატორებს გამოიყენებენ პარტიები, ეს არის ჩვეულებრივი პრაქტიკა. კიდევ ერთხელ, მთავარია ამან მანკიერი სახე არ მიიღოს"

ავტორი: ,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით