თურქული მედია: სარფში დაკავებული ბავშვის ოჯახი, შესაძლოა, ტერორისტულ ორგანიზაციასთან იყოს კავშირში

2017-10-26 15:03:04, 1954 ნახვა

საზოგადოება

საქართველოს მოქალაქე, რომელსაც სარფის საბაჟოზე ჩანთით არასრულწლოვანი გადაჰყავდა, სამშობლოშია დეპორტირებული, - ამის შესახებ ტრაპზონში საქართველოს გენერალურმა კონსულმა ავთანდილ მიქაძემ "იმედის" ეთერში განაცხადა.

როგორც მიქაძემ აღნიშნა, მომხდარ ფაქტთან დაკავშირებით, საკონსულოში ინფორმაცია დღეს შევიდა. ამასთან, მიქაძემ განმარტა, რომ საქართველოს კანონმდებლობიდან გამომდინარე, პირის იდენტიფიცირებას ვერ მოახდენს.

გარდა ამისა, ბათუმში თურქეთის საკონსულოს წარმომადგენლის ლილი დევრიშოღლუს ინფორმაციით, თურქული მედია 14 წლის მოზარდის ოჯახის ტერორისტულ ორგანიზაციასთან კავშირზე საუბრობს.

"ბავშვი საქართველოს მოქალაქეს ჩანთით გადმოჰყავდა. მედიაში გავრცელდა ინფომრაცია, რომ ბავშვის ოჯახი ეჭვმიტანილია ტერორისტულ ორგანიზაცია FETO-სთან კავშირში. საკონსულოში სხვა ინფორმაცია არ შემოსულა", - განაცხადა საკონსულოს წარმომადგენელმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები