თბილისში კიდევ ერთი ახალი საბავშვო ბაგა-ბაღი გაიხსნა - საბურთალოს რაიონში, ვაშლიჯვრის დასახლებაში მდებარე ახალი ბაღი თბილისის მერმა დავით ნარმანიამ ბაგა-ბაღების მართვის სააგენტოს ხელმძღვანელ, თემურ თორდინავასთან ერთად დაათვალიერა და ბაღის პირველ აღსაზრდელებს სამახსოვროდ წიგნები გადასცა.

“ამ უბანს დიდი ხნის განმავლობაში აწუხებდა საბავშვო ბაღის პრობლემა, სწორედ ამიტომ შევარჩიეთ ჩვენ ეს ტერიტორია და ავაშენეთ სრულიად ახალი, ჩვენი მმართველობის პირობებში რიგით მე-12 სააღმზრდელო დაწესებულება. შეიქმნა, დამატებით, 350 ბავშვის ადგილი და დღეიდან ახალი ბაღი უკვე ფუნქციონირებს. აქ ყველა პირობაა შექმნილი იმისათვის, რომ ჩვენი პატარები ღირსეულ მოქალაქეებად ჩამოყალიბდნენ“, - აღნიშნა თბილისის მერმა მედიასთან საუბრისას.

N 33-ე საბავშვო ბაგა-ბაღში 10 ჯგუფი ფუნქციონირებს და ის 350 აღსაზრდელზეა გათვლილი. დასაქმებულია 70 ადამიანი.

სააღმზრდელო წლის დაწყებამდე, კეთილმოეწყო ბაღის ეზო - დაიდგა ატრაქციონები, ჩატარდა გამწვანების სამუშაოები და მოიხატა კედლები. ბაღი ადაპტირებულია შშმ პირთათვის.

სასწავლო წლის დაწყების პირველ დღეს მისულ აღსაზრდელებს ბაღის ადმინისტრაციამ სახალისო ღონისძიება მოუწყო - პატარების საზეიმო განწყობაზე ზღაპრის გმირებმა იზრუნეს.

ღონისძიების ფარგლებში, ბაღში მისულ სტუმრებს ფოტო-კოლაჟიც უჩვენეს, სადაც ასახული იყო 2014 წლის მდგომარეობით საბავშვო ბაღებში არსებული მდგომარეობა და სამი წლის მუშაობის შედეგები.

ვაშლიჯვარში მდებარე ახალ საბავშვო ბაგა-ბაღში თბილისის მერთან ერთად დღეს საქართველოს პარლამენტის განათლების, მეცნიერებისა და კულტურის კომიტეტის თავმჯდომარე მარიამ ჯაში, საკრებულოს თავმჯდომარე გიორგი ალიბეგაშვილი და საბურთალოს რაიონის გამგებელი ბექა მიქაუტაძე იმყოფებოდნენ.

(NS)

ავტორი: ,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა