„პატრიოტთა ალიანსის“ თბილისის მერობის კანდიდატმა ირმა ინაშვილმა საკუთარი არჩევანი დააფიქსირა.

როგორც ინაშვილმა ჟურნალისტებს განუცხადა, მან საქართველოში ქართველი ადამიანებისთვის საუკეთესო პირობების შექმნას მისცა ხმა.

მერობის კანდიდატმა ასევე აღნიშნა, რომ საარჩევნო პროცესში ხელისუფლების მხრიდან ადმინისტრაციული რესურსების გამოყენების არაერთი ფაქტი დაფიქსირდა, რაზეც „პატრიოტთა ალიანსმა“ უწყებათაშორის კომისიაში განცხადება შეიტანა.

„მე ხმა მივეცი საქართველოში ქართველი ადამიანებისთვის საუკეთესო პირობების შექმნას, განვითარების პირობების შექმნას. ხმა მივეცი ქართული ტრადიციების დაცვას, ზნე-ჩვეულებების დაცვას, ჩვენი კულტურის და ისტორიის გადარჩენას, ჩვენი რწმენის შენარჩუნებას და ასევე იმას, რომ საქართველოში ტარდებოდეს თავისუფალი, დემოკრატიული არჩევნები და პროცესის დასრულების შემდეგ არ ჩნდებოდეს კითხვები. საარჩევნო პროცესში იყო მინუსები და პლიუსები, ამავე პროცესში იყო ხელისუფლების მხრიდან ადმინისტრაციული რესურსების გამოყენების არაერთი ფაქტი. ჩვენ ამ ფაქტებზე შევიტანეთ განცხადება უწყებათაშორის კომისიაში, რომელიც პრაქტიკულად მკვდარია“, - განაცხადა ირმა ინაშვილმა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია