პარლამენტის ვიცე-სპიკერის თამარ ჩუგოშვილის ინფორმაციით, "ნაციონალური მოძრაობის" მხარდამჭერები რამდენიმე საარჩევნო უბანზე ყალბი აკრედიტაციით შესვლას ცდილობდნენ.

თამარ ჩუგოშვილმა პოლიტიკურ პარტიებს მოუწოდა დღევანდელი დღე კანონის მოთხოვნათა სრული დაცვით წარმართვისკენ.

"ამჟამად არა ერთ საარჩევნო უბანშე, მათ შორის მაგალითად ქუთაისის 59-ე ოლქის 125-ე საარჩევნო უბანზე იმყოფებიან პირები, რომლებიც წარმოდგენილი არიან ბეჯებით და ფიქსირდება, რომ ისინი წარმოადგენენ შპს."პრეს-მედიას", თუმცა ცესკო-ს ბაზაში გადამოწმების შედეგად ირკვევა, რომ ეს პირები არ არიან ოფიციალურად რეგისტრირებული, როგორც დამკვირვებლები. ამ პირების ყოფნა არ არის ლეგიტიმური რადგან ცესკომ არ დაარეგისტრირა როგორც მედიის ან დამკვირვებლის წარმომადგენელი. შესაბამისად ირკვევა, რომ არიან წარმოდგენილი გაყალბებული მოწმობებით და ცდილობენ ამგვარად ხელის შეშლას საარჩევნო პროცესის. რამდენადაც ჩვენთვის არის ცნობილი ჟურნალისტებს და დამკვირვებლებს ვთხოვთ, რომ გადაამოწმონ , ეს პიროვნებები წარმოადგენენ "ნაციონალური მოძრაობის" მხარდამჭერებს. გვინდა მოვუწოდოთ პოლიტიკურ პარტიებს, რომ წარვმართოთ დღევანდელი დღე კანონის მოთხოვნათა სრული დაცვით. ყველაფერს ვაკეთებთ, იმისთვის, რომ დღევანდელმა დღემ ჩაიაროს მშვიდ საარჩევნო გარემოში, კანონის მოთხოვნების დაცვით და მინიმალური დარღვევებით", - განაცხადა ჩუგოშვილმა.

მან მოსახლეობას არჩევნებში აქტიურობისკენ მოუწოდა. 

ავტორი: ,

სოციალური ქსელები

ზარქუა ოპოზიციის ელჩებთან შეხვედრაზე - აგენტურა საკუთარ პატრონებთან ახალი რჩევების მისაღებად მიდის

ყოფილ მაღალჩინოსანთან დაკავშირებულმა კომპანიამ ტენდერები უკონკურენტოდ მოიგო

საია: ვიწროვდება პოლიტიკური გაერთიანებისა და არჩევნებში მონაწილეობის შესაძლებლობები

ბერა ივანიშვილის ადვოკატმა "ფორმულას" და "ტვ პირველის" წინააღმდეგ სასამართლოში სარჩელი შეიტანა