„ქართული ოცნების“ თბილისის მერობის კანდიდატმა კახა კალაძემ დღეს გამართულ საგანგებო ბრიფინგზე, საქართველოს მოსახლეობას, ხვალ თვითმმართველობის არჩევნებში მონაწილეობისკენ მოუწოდა.

როგორც კალაძემ აღნიშნა, მოსახლეობამ 21 ოქტომბრის არჩევნებში საკუთარი პოზიცია უნდა დააფიქსიროს, რადგან ქალაქის მომავალი მათზეა დამოკიდებული.

"მოგეხსენებათ ხვალ საქართველოს მასშტაბით იმართება ადგილობრივი თვითმმართველობის არჩევნები, სადაც ჩვენი ქვეყნის მოსახლეობა მიიღებს გადაწყვეტილებას თუ ვის უნდა ანდოს საკუთარი ქალაქის, საკუთარი მუნიციპალიტეტის მართვის მომავალი მომდევნო 4 წლის განმავლობაში. ამ არჩევნებს უდიდესი მნიშვნელობა აქვს, ჩვენი საარსებო გარემოს, ჩვენი მოქალაქეების ყოველდღიური ყოფის გაუმჯობესებისთვის. მინდა ვთხოვო ყველა ჩემ მხარდამჭერს, ყველა ჩემ თანამებრძოლს - მეგობრებო, ჩვენი ერთად დგომა არჩევნებზე გამოცხადება და საკუთარი პოზიციის დაფიქსირება ძალიან მნიშვნელოვანია. ყველა უნდა გავერთიანდეთ. მოვიდეთ არჩევნებზე და დავაფიქსიროთ საკუთარი პოზიცია. მხარი დავუჭიროთ სიცოცხლით სავსე ქალაქს. მხარი უნდა დავუჭიროთ ძლიერ რეგიონებს და ძლიერ საქართველოს. მხარი უნდა დავუჭიროთ ჩვენი ქვეყნის სწორ გეგმას და ზომიერ განვითარებას. ჩვენი შვილების ჯანსაღ და განათლებულ მომავალს. მხარი უნდა დავუჭიროთ ადამიანების. თავისუფლებაზე და კეთილდღეობაზე ორიენტირებულ მმართველობას. მხოლოდ ასე ერთად დგომით შევძლებთ სიცოცხლით სავსე ქალაქის და ძლიერი ქვეყნის მშენებლობას. 21 ოქტომბერს ყოველი ჩვენგანი აუცილებლად უნდა გამოცხადდეთ საარჩევნო უბნებზე და მხარი დაუჭიროთ "ქართულ ოცნებას". თითოეული ჩვენგანის, ჩვენი ქალაქის და ქვეყნის გამარჯვებას. მე დარწმუნებული ვარ, რომ თბილისი მალე იქნება სიცოცხლით სავსე ქალაქი", - განაცხადა მერობის კანდიდატმა.

(NS)

ავტორი: ,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა